جمعه‌دن شنبه‌گه اوترکیچه‌سی زابل ولایتی نینگ مرکزی قلات شهریگه قره‌شلی سینک منطقه‌سیده مخدر ماده‌گه بیریلگن بیر پولیس حددن کوپ ایچکیلیک ایچکندن سونگ، تورموش اورتاغی، ایناغه‌سی نینگ خاتینی و سینگلیسی‌نی آتیب اولدیرگن. ایتیلشیچه، واقعه ده بیر باله هم تن جراحتی آلگن.
زابل ولایتی والیسی نینگ سوزلاووچیسی گل‌اسلام سیال، اوشبو پولیس شینکی تومنیده ملی کوچلر صفیده خذمت قیلیب کیلگن دیدی.
جناب سیال، دستلبکی تیکشیروولرده مذکور شخص حددن تشقری نشه بولگندن کیین بو عمل‌گه قول اوریشگن دیگن.
سوزلاووچی بو شخص خانه‌دانی نینگ اوچ اعضاسینی آتیب اولدیرگندن کیین اوز حیاتیگه هم پایان بیرگن دیگن.
شونینگدیک اوتگن ییل هم قلات مرکزیده بیر کیشی حددن کوپ مخدر ماده استعمال قیلگندن سونگ عیاله‌سی نینگ 7 اعضاسینی آتیب اولدیرگن ایدی.
