رییس جمهور فردا برای اشتراک در نشست سه جانبۀ افغانستان، پاکستان و تاجیکستان عازم دوشنبه خواهد شد.
دواخان مینه‌پال، معاون سخنگوی ریاست جمهوری به سلام‌وطندار می‌گوید، موضوعات امنیتی و اقتصادی محور گفت‌وگوی این نشست خواهند بود.
آقای مینه‌پال می‌گوید، رییس جمهور غنی در این سفر با امام‌علی رحمان رییس جمهور تاجیکستان و نواز شریف نخست‌وزیر پاکستان در مورد مبارزه با تروریسم، گسترش روابط بازرگانی و ترانزیتی، پروژۀ کاسا یک هزار و انتقال ۱۳۰۰ میگاوات برق آبی از تاجیکستان و قرغزستان به افغانستان و پاکستان گفت‌وگو می‌کند.
در پایان این نشست خبرنامۀ مشترکی نیز از جزییات توافقات رهبران سه کشور منتشر خواهد شد.
