بغلان‌ده روند سبز طرفدارلری ولایتده ناراضیلیک نمایش اوتکزیب مرکزی حکومتدن طالبلرنی نابود قیلیش اوچون بغلان ولایتیگه کوپراق حربی قوشین سفر بر قیلیشی‌نی سوره‌گنلر.سانی یوزلب کیشیدن عبارت اعتراضچیلر بوگون (جمعه) ایرتلب افغان ملی کوچلریدن حمایت بیلدیریب اعتراض بیلدیر گنلر.
بغلان ولایتیده روند سبز حرکتی ولایتی اداره‌سی‌نینگ مسوولی آرش راستین، ولایتده دولت قوراللی مخالفلری قورشاوویده قالگن ملی کوچلر توتقزیلیشی اوچون محلی حکومت رسمیلرینی تفاوت سیزلیک‌که عیبله‌گن.
محلی حکومت اداره‌سی نینگ بی فرق یانده‌شیشی بونده‌ی دوام ایتگن حالده، روند سبز حرکتی بوندن کته‌راق اعتراضگه قول اوریشی ممکن دیگن اعتراضچیلر.
اما، بغلان پولیس قوماندانی نورحبیب گل‌بهاری اعتراضچیلر ادعاسینی رد قیلیب ایتیشیچه، افغان ملی کوچلری جنگری طالبلر قملیده قالگن حربیلرنی قوتقزیش اوچون لازم درجه‌ده سعی و حرکت آلیب باریلگن.
دندغوری تومنی‌نینگ قرغان تپه منطقه‌سیده اون کوندن بیری جنگریلر قملیده بولگن ملی کوچلرنینگ 120 حربی بوندن ایکّی کون آلدین اوتکزیلگن مخصوص عملیات نتیجه‌سیده آزاد ایتیلدیلر.
