بغلان ولایتیده روند سبز اعضالری بوگون (شنبه) (دادخواهلیک توماری) نامی آستیده اوتکزیلگن اعتراضلی ییغین اوتکزیب و بیرلشگن ملتلر تشکیلاتی‌گه نامه یوللب، اسلامی حزب رهبری گلبدین حکمتیارنینگ اسمی قاره رویخطدن چیقاریلمس‌لیگینی طلب قیلگنلر.
حکمتیار اوروشلری زمانیده عزیزلرینی قولدن بیرگن بغلانلیک خانه‌دانلر اوشبو دادخواهلیک توماریگه قول قوییب بیرلشگن ملتلر تشکیلاتیدن حکمتیار محکمه‌گه تارتیلیشی اوچون افغانستان حکومتی‌نی باسیم آستیگه آلیش‌نی سوره‌گنلر.
بغلان ولایتیده روندسبز تشکیلاتی نینگ ولایتی اداره‌سی مسوولی آرش راستین، اوروشلر ینه اسلامی حزب ترورچیلیک هجوملری نتیجه‌سیده عایله اعضالرینی قولدن بیرگن خانه‌دانلر اوچون بو دادخواهیلک یولگه قویلگن دیدی.
بو لایحه مملکت بویلب عملی بوله‌دی دیگن جناب راستین. دادخواهلیک همده امضا توپله‌نیش بیلن بیرگه بیرلشگن ملتلر تشکیلاتیدن اسلامی حزب رهبری گلبدین حکمیتارنینگ اسمی بی می تی نینگ قاره رویخطیدن آلینمس لیگی اوستیده تاکید بولگن.
راستین، بو دادخواهلیک حرکتی‌گه بیرلشگن ملتلر تشکیلاتی تامانیدن جدی اعتبار قره تیلمه‌گن حالده، اولر اعتراضلرینی باشقه ولایتلرده دوام بیریشلری توغریسیده آگاهلنتیرگن.
اسلامی حزب اوروشی زمانلریدن خانه‌دانی نینگ اوچ اعضاسینی قولدن بیرگن محمد‌رحیم، تومارگه قول قوییلگندن سونگ حکمتیار محاکمه بولیشی اوستیده تاکید ایتگن.
بو قبیل اعتراضلر افغانستان جمهور رییسی محمداشرف غنی اوتگن هفته (پنج شنبه) بیر فرمان صادر قیلیش بیلن مملکت دولت باشقره لاوچیلیگیدن کیلگوسی ایکی آی ایچیده اسلامی حزب رهبری و اعضالریگه مصونیت بیریلیشی‌نی سوره‌گن بیر پیتده بیلدیریلماقده.
