نیپالده ییر قلتیره‌ش عاقبی‌ده 10 مینگ کیشی دن آشه انسان تلفات کورگن ایدیلر.
دنیافوتبالی‌ده شهرت قازانگن اویینچی‌سی، کریستیانو رونالدو نیپالده ییر قلتیرهشیدن ضرر کورگن‌لر اوچون 7 میلیون یورو یاردم بیردی.
فرانسه‌لیک سپورت مجله‌سی‌گه کوره، 30 یاشلیک رونالدو، بو پول‌نی باله‌لر سقلش خیریه قوریلمه سیگه یاردم بیرگن. مذکور قوریلمه نیپالده ییر قلتیرهشیدن ضرر کورگنلرگه یاردم بیریلماقده.
مذکور حادثه، ثور آیی‌نینگ 5- سیده نیپال اولکه سیده یوزبیریب، کوپلب تلفات ییتکیزدی. اوشبو حادثه تلفاتی 10 مینگ‌دن اوتکن‌لیگی ثبت ایتیلگن. حادثه عاقبتی‌ده نیپال باشکینتی کتماندو شهریده 4300 کیشی هلاک بولگن ایدی. شونینگ‌دیک اوشبو واقعه‌ده 7 مینگ کیشی تن جراحت آلگن‌لیگی کوزه تیلگن.
نیپالده یوزبیرگن ییر قلتیره‌ش 7.9 درجه تخمین‌لنگن ایدی، مذکور اولکه 39 ولایتی‌نی حادثه‌دن ضرر کوردی.
ییر قلتیره‌ش بیرینچی کونیده کوپینچه اولکه‌لر ضرر کورگنلرگه یاردم بیردی، بیراق بوزوقلیک‌لر و یول‌لر یاپیلگنی سبب، یاردم‌لر ییتیش‌مه گن ایدی.
نیپال‌نینگ تاریخی بنالری کوپ و بای تاریخ‌گه ایگه اولکه لردن حسابلنه‌دی. سونگی ییر قلتیره‌شده کوپلب تلفات یانی‌ده، تاریخی بنالر، قوریلمه‌لر نابود بولگنی باعث یونسکونینگ میراثی مدنیت لایحه سیده روی خط‌گه
دنیا فوتبالی‌گه شهرت قازانگن اویینچی، کریستیانو رونالدو 1985- ییل پرتگال‌ده توغیلگن، اروپا فوتبالی‌نی ایری‌لیگ لریگه اوینه‌ب و حاضرگی کونلرده اسپانیانینگ ریال مادرید تیمی‌گه اوینه ماقده.
کریستیانو رونالدونینگ، خلق ارا فوتبال اویینچی‌لری ایچی‌ده، بیر ییل‌لیک عایدی 21 میلیون یوروگه ییتیشه‌دی.
او، میلادی 2015 نچی ییل مارچ آیی‌ده افغانستان ناگران‌لری‌گه بیرلک یورو یاردم بیرگن ایدی.
اوشبو پرتگال‌لیک اویینچی، موندن آلدین هم اندونیزیاده یوزبیرگن سونامی قربان‌لیک، فلسطین اوروشی قربان‌لیک لری و قیزیل آی تشکیلاتی‌گه یاردم بیرگن.
