روسیه تشقی ایشلر وزیری سرگئی لاروف نینگ ایتیشیچه، مملکتی افغانستانده قورالی جنگریلر فعالیتیدن خواطرده و نهایتده مسکو و واشنگتن افغانستان بارهسیده هم سوریه دیک اوز ارا تفاهم قیلیشی ممکن.
جناب لاروف بومطلبنی دوشنبه کونی افغانستان تشقی ایشلر وزیری صلاحالدین ربانی بیلن مسکوده بیرگهلیک خبری اوچره شووده چیقیب بیان قیلدی.
روسیهده ایکی کونلیک سفر قیلگن تشقی ایشلر وزیری نینگ ایتیشیچه، روسیه تشقی ایشلر وزیری بیلن قیلگن اوچره شووده سیاسی، حربی، اقتصادی و تجاری علاقهلر یخشی لنیشی بارهسیده هم سوزلشگن.
ینه بیر بار تشقی ایشلر وزیری مملکتده عصیانچی گروهلرنی جهازلنتیریب اوروشگه تیار قیلهدیگن مملکتلرگه اشاره قیلیب، منطقه مملکتلریدن جدی شکلده تروریزیمگه قرشی کورشگه چقیردی.
تشقی ایشلر وزیری شوپیتده روسیهگه سفر قیلگن ایدی که شو سونگی کونلرده روسیه نینگ داعش گه قرشی اوروشتیریش اوچون طالبلرنی حمایت قیلگن گزارشلری ترقه تیلگن ایدی.