افغانستانده قویاش 1398- ییل، 6- میزانده جمهورلیک ریاست سیلاوی یولگه قوییلگنیدن سونگ، سیلاو ایرکین کمیسیونی و سیلاو نامزدلری آره‌سیده رقم‌لر توغریسیده جنجل‌لر باشلندی. سیلاوده اشتراک قیلگن اهالی میزانی توغریسیده بولگن قره‌مه قرشی‌لیک‌لر جدی و تقدیرلی بحث گه اوزگردی و سیلاو ایرکین کمیسیونی جمهورلیک ریاست سیلاویدن کیین فرقلی رقم‌لر ترقه‌تیب لفظی جنجل اوتی‌نی یاروغ سقله‌دی.
6- میزانده جمهورلیک ریاست سیلاوی اوتکزیلگنیدن سونگ، سیلاویده اشتراک قیلگن‌لرنینگ رقمی سیلاو کمیسیونی تامانیدن 1051998 اعلان قیلیندی. 8- میزانده بیرلشگن ملکت‌لر تشکیلاتی نینگ ییغینیده نطق سوزلگن افغانستان ملی خوفسیزلیک کینگشی مصلحتچیسی حمدالله محب، افغانستان جمهورلیک ریاست سیلاویده اشتراک قیلگن‌لرنینگ رقمی‌نی 3 میلیون دیدی و جاری ییل 11- میزانده سیلاو ایرکین کمیسیونی سیلاو اشتراکچی‌لری نینگ رقمی‌نی 2695890 کیشی دیب و کوپه‌یتیریشیچه، بو رقم دقیق و سونگی ایمس دیر؛ چونکه بایومتریک‌سیز آوازلر اجره‌تیلمه‌گن و اونگه سنه‌ش جریانی تطبیق ایتیلمه‌گن.
بیراق، درمالوگ شرکتی تامانیدن ترقه‌تیلگن رقم‌‌دن سونگ، 11- میزان رقمی‌ده ییترلیچه اوزگریش کیریتیلدی.
عین دمده، سیلاو ایرکین کمیسیونی، درمالوگ شرکتی تامانیدن بو اداره گه بیریلگن رقم اساسیده، بایومتریک‌لی آوازلرنینگ رقمی‌نی 1929333 کیشی اعلان قیلدی و بیر آز وقت‌دن سونگ، درمالوگ شرکتی 130 مینگ‌دن آرتیق فرقلی آواز بیلن دقیق رقم‌نی 1791703 اعلان قیلدی. بو موضوع توشونچه‌لر ضدیتی‌نی کوپه‌یتیردی، بیراق نهایت‌ده سیلاو ایرکین کمیسیونی 1929333 رقم‌نی اساسی قرار بیردی و آوازلر تیکشیریلیب و قیته سنه‌لگنیدن سونگ، اشتراکچی‌لرنینگ حقیقی رقمی 1824401 کیشی دییلیب و اونگه اساس، جاری ییل، 1- جدی ده سیلاو ایرکین کمیسیونی سیلاونینگ دستلبکی نتیجه‌سینی اعلان قیلدی.
11- میزان و 1- جدی آره‌سیده‌گی فرق 871489 آواز بولگن. سلام‌وطندار میدیا ترماغی، هر بیر ولایتده اوشبو ایکی رقم‌نی ماسلشتیرگن بیرچاغده، قطار ولایت‌لرده آوازلر 5 برابر کمه‌یگنینی بیلدیرگن. بغلان، فراه، پکتیا، زابل، هلمند، قندهار، کاپیسا و نورستان ولایت‌لریده آوازلر میزانی نیچه برابر کمه‌یگنینی کورسته‌دی و دستلبکی نتیجه هم اوشبو ولایت‌لرنینگ آوازلری اساسیده، اعلان قیلیندی.
شونینگدیک، باشقه 12 ولایتده آوازلر میزانی «0.63» برابردن «0.12» برابرگچه کمه‌یگن. بیراق اوشبو 12 ولایتده کوپلب کمه‌یتیریلگن آوازلر کابل، ننگرهار، غور و غزنی گه تیگیشلی بوله‌دی. کابل «110391»، ننگرهار «50696» غور «23063» و غزنی «20782» بولگن. جوزجان ایسه اینگ آز کمه‌ییش «299» آواز بیلن قویی درجه‌ده توخته‌گن. افغانستان نینگ 33 ولایتی گه قرشی، دستلبکی نتیجه اعلان قیلینگن سونگی رقم اساسیده، بدخشان ولایتیده اشتراکچی‌لرنینگ میزانی اساسیده، «2089» آواز کوپه‌یگن.
بیراق، سیلاو ایرکین کمیسیونی، بونچه آواز جمهورلیک ریاست سیلاوی نینگ قیسی بیر نامزدی نینگ آوازیدن کمه‌یتیریلگنینی بیلدیرمه‌گن. لیکن سلام‌وطندار میدیا ترماغی هر بیر ولایتده جمهورلیک ریاست سیلاوی نینگ ایکی پیشتاز نامزدی نینگ آوازلرینی ماسلشتیریب 871489 آوازدن کوپینچه‌سی ایکی پیشتاز نامزلریدن قیسی بیری نینگ حوزه‌سیگه تیگیشلی بولگنینی مشخص قیلگن.
سیلاو ایرکین کمیسیونی دستلبکی نتیجه‌نی اعلان قیلگن رقم اساسیده، صورتده کورسه‌تیلگن بنفش رنگ محمداشرف غنی نینگ آوازی کوپ بولگن منطقه‌لرنی کورسته‌دی و کوک رنگ ایسه عبدالله عبدالله نینگ آوازی کوپ بولگن منطقه‌لرنی کورسته‌دی. شو یوزه‌دن دوردن چیقاریلگن توپلم آوازدن 600 مینگ‌دن آرتیغی غنی نینگ آوازی بولگن حوزه‌گه و قالگنی ایسه عبدالله نینگ آوازی بولگن حوزه‌گه تیگیشلی بوله‌دی. بو رقم‌ده بیکار قیلینگن توپلم آوازدن قنچه‌سی غنی گه و قنچه‌سی عبدالله تیگیشلی بولگنی توغریسیده هیچ نرسه دییلمه‌گن.
شونده‌ی بیرحالده، سیلاو شکایت‌لرینی تینگلش کمیسیونی، سیلاوگه عاید شکایت‌لرنی تیکشیریش گه مسؤول بولگن، بیراق سوراق توغیله‌دی کیم، بو اولگن فرق رقم نینگ مسؤولی کیم دیر؟
سیلاو ایرکین کمیسیون سوزلاوچیسی میرزامحمد حقپرست نینگ سلام‌وطندارگه ایتیشیچه، اولر کمیسیون نینگ مرکزی و ولایتی ایشلاوچی‌لری شامل بولگن 12 مینگ کیشی‌نی سیلاو شکایت‌لرینی تینگلش کمیسیونی گه تانیشتیرگن. جناب حقپرست گه کوره، سیلاو شکایت‌لرینی تینگلش کمیسیونی، تیکشیروولردن سونگ، بو کیشی‌لرنی عدلی و قضایی اداره‌لری گه تانیشتیریش گه مسؤول دیر.
سیلاو ایرکین کمیسیون سوزلاوچیسی نینگ سیلاو جنایت‌لریگه عیب‌لنگن حربی و ملکی رسمی‌لر توغریسیده ایتیشیچه، بو قضیه‌لر تیکشیریلیشی سیلاو شکایت‌لرینی تینگلش کمیسیونی نینگ مسؤولیت‌لری و صلاحیتی‌دن بولگن.
بیراق، سیلاو شکایت‌لرینی تینگلش کمیسیون سوزلاوچیسی اورین باسری محمدرضا فیاض نینگ سلام‌وطندارگه ایتیشیچه، سیلاو جنایت‌لریگه عیب‌لنگن کیشی‌لر توغریسیده سیلاو شکایت‌لرینی تینگلش کمیسیونی نینگ سونگی قراری، شکایت‌لر رویخط‌گه آلینیب و تیکشیریلگنیدن سونگ، اعلان قیلینه‌دی.
جناب فیاض گه کوره، اولر سیلاو جنایت‌لریگه عیب‌لنگن سیلاو کمیسیونی نینگ کمیده 12 مینگ ایشلاوچیسی توغریسیده سیلاو کمیسیونیدن آچیقلیک سوره‌گن، بیراق حاضرگه‌قدر بو توغریده اولرگه معلومات بیریلمه‌گن.
سیلاو ایرکین کمیسیونی، اشتراکچی‌لرنینگ رقمی و فایده‌لنگن آوازلرده اولکن فرق بولگنی خصوصیده، حاضرگه‌قدر قیین‌چیلیک‌لر موجودلیگی‌نی تَن آله‌دی و سیلاو ایرکین کمیسیونی، سیلاو شکایت‌لرینی تینگلش کمیسیونی نینگ تیکشیروولریدن سونگ، ینه بیر بار رقم‌لر و ولایت‌لرنینگ رقم‌لرینی کوریب چیقه‌دی.
