.jpg)
ینگی دن پاکستان ملی کوچلری باشلیغی ایتیب تعیین لنگن قمر جاوید باجوه، افغاسنتان رهبرلری بیلن تیلفون آرقهلی صحبت قیلدی. او، اوشبو تیلفونی علاقهده افغانستان جمهور رییسی محمد اشرفغنی حکومت اجراییه ریاستی باشلیغی عبداللهعبدالله بیلن سوزلهشیب رسمی کابل – اسلام آباد مناستبی یخشی لهنیشی اوستیده تاکید قیلگن.
پاکستان ملی کوچلری باشلیغینینگ سوزلاووچیسی آصف غفور، جناب باجوه رسمی کابل یوقاری مرتبهلی رسمیلری بیلن قیلگن ملاقاتده افغانستان تینچلیک لایحهسیگه همکارلیک قیلیش وعدهسینی بیرگن دیگن.
تیلفونی ملاقاتده افغانستان رهبرلری جناب باجوهنی کابلگه سفر قیلیشینی تکیلف ایتگنلر. ایتیلیشیچه، جناب باجوه، یقین آرهده رسمی کابلگه سفر قیلیشنی تصدیق ایتگن.
پاکستاندهگی سیاسی ایش بیلرمان نذیرخان، اوشبو تیلفونی ملاقات جریانیده جناب باجوه افغانستانگه سفر قیلیش تکلیفی ایلگری سوریلیشی بوندن نیچه کون آلدین رسمی مسکو، اسلام آباد و پیکینگ اورتهسیده اوتکزیلگن ییغینگه توغریدن – توغری علاقهدار دیگن.
.jpg)
پاکستانده بوله دیگن باشقه بیر تحلیلچی رحیمالله یوسفزی، اخیرگی آیلر ایچیده رسمی کابل – اسلام آباد نینگ علاقهسی کوتیلمهگن درجهده ترهنگ لشگندن سونگ پاکستان ملی کوچلر باشلیغی ایتیب تعیین لگن جناب باجوه نینگ افغانستان سفر قیلیشی ایکّی مملکت مناسبتی اوچون ایجابی تاثیری بار دیگن. شونینگدیک جناب باجوه نینگ افغانستانگه سفر قیلیشی تکلیف ایتیلگن لیگی رسمی اسلام آباد – کابل علاقهلری اوچون ییریک بیر ایجابی آدیم حسابلنهدی دیگن سیاسی تحلیلچی.
افغانستان و پاکستان سیاسی علاقهسی ترهنگلهشیشی افغانستانده نابرقرارلیکلر میزانی آشیشیگه بی واسطه بو مملکت علاقهسی بارلیگی ایتیلگن ایدی. مملکت رهبری محمد اشرف غنی رسمی تشریف بیلن نیچه بار پاکستانده بولدی، لیکن سفر ایجابی نتیجه آلیب کیلمهدی. افغانستانده صادر ایتیلگن بعضی بیر انتحاری هجوملر پاکستان توپراغیده پلانلشتیریلگن لیگی بار – بار افغان ملازملری تیلیدن بیان قیلینگن.
پاکستان سابق ملی کوچلر باشلیغی راحیل شریف اورنیگه حاضر قمر جاوید باجوه تعیین لهنیشی افغانستان – پاکستان مناسبتلرینی یخشی لشتیرهدی دیگن امیدلر هم یوق ایمس البته.
