مملکت جمهور رییسی غورلیک یاش قیز «رخشانه» تاش کومدی ایتیلیشی انسانیت و قانونگه ضد بیر عمل دیب، مسؤول ادارهلر تامانیدن حادثه جدی تیکشیریلیشینی سورهگن.
اوتگن هفته 19 یاشلی رخشانه سیوگن یاری بیلن اوییدن قاچگنلیککه عیبلنب صحرایی محکمهده تاش کومدی قیلیندی. اونینگ تاش کومدی ایتیشلیش جریانیدن یازیب آلینگن ویدیو عاموی اخبارات واسطهلریگه چیقدی.
مذکور ویدیوده رخشانهنینگ بوینیگه قدر توپراققه کومیلگن تیورهگینی قمرهب آلگن قطار سلّهلیک شخصلر اونی تاش کومدی قیلهدی. اما عاجزلیک بیلن چیقره دیگن مسلمانلیک تاووشی کوکه کوتاریلهدی.
ملی بیرلیک حکومت اجراییه باشلیغی عبدالله عبدالله بوگون (چهارشنبه) مدنی ادارهلر نمایندهلری بیلن اوچرهشیب واقعه جدی تیکشیریلیشی بارهسیده تاکیدلهگن. عبدالله، مذکور حادثه توغریسیده ملی خوفسیزلیک کینگشیده صحبت قیلیشینی ایتگن.
غور ولایتنینگ محلی بلند مرتبهلی رسمیلری اوشبو قیز تاش کومدی ایتیلیشی اوچون طالبلرنی عیبلهگنلر؛ اما مذکور گروه هنوزگچه بو توغریده هیچ بیر نرسه دیمهگن.
افغانستان خاتین قیزلر وزیری خانم دلبر نظری « عیاللرگه قرشی قوللنیله دیگن دوسیهلر آنلاین سیستم معلوماتی و اولر اوچون ملی لایحهسی نظارت» ایتیلیش مناسبتی بیلن اوتکزیلگن ییغینده واقعه عامللری محاکمه ایتیلیشینی ایتگن.
اوشبو اولتیریشده خانم نظری معلوماتلر آنلاین سیستم آرقهلی جمعآورلیک بولیشیدن خبر بیرگن. اونگه کوره، مذکور سیستم اساسیده مملکت بویلب خاتینلرگه ضد یوز بیرگن زوروانلیکلر دوسیهسی رویخطگه آلینهدی. ایتیلیشیچه، وزیرلیک بو سیستم آرقهلی دولتی و خصوصی ادارهلرده ایشله دیگن عیاللر میزانی جمع آورلیک قیلهدی.
نظرینینگ سوزلریگه کوره، بوندن آلدین عیاللرگه قرشی روی بیرگن زورانلیکلر دوسیهنی رویخطگه آلیش سیکین بولگن.
اوشبو سیستم بیرلشگن ملتلر تشکیلاتی نینگ ترقیات ادارهسی، بیرلشگن ملتلر تشکیلاتی و ایتالیا دولتینینگ مالی همکارلیک بیلن ایجاد ایتیلگن. بو سیستم آرقهلی عیاللرگه ضد یوز بیرگن زوروانلیک دوسیهلر جمعلنب بو لایحه اساسیده وزیرلیک خاتین قیزلرگه قرشی زوارنلیک آلدینی آلیش اوچون ینگی لایحه ایشلب چیقیشگه کومک قیلهدی.
عین حالده، افغانستان ولسی جرگهسینینگ عیال اعضالری عیاللرگه قرشی زوروانلیکنی توسیش قانونی تصدیق لنمهگنلیگینی بوندهی حادثهلر یوز بیریشی اوچون بیرینچی عامل دیگنلر.
پارلماننینگ عیاللر ایشلری بوییچه کمیسیون رییسی فوزیه کوفی، عیاللرگه قرشی زوروانلیکنی توسیش قانونی تصدیقلهنیشی اوچون قرشیلیک کورستگن وکیللرنی تنقدی قیلیب، اوشبو قانون اوستیده قرار آلینیشینی سورهگن.
شونینگدیک مجلس اعضالر کابلنینگ خیرخانه منطقهسیده یوزبیرگن حادثه عامللری هم محاکمه ایتلیشی اوستیده تاکیدلهگنلر. اولرگه کوره، بیر خاتین نیچه وقت آلدین عاله اعضاسی تامانیدن جنسی تجاوز ایتیلگندن سونگ قتل ایتیلگن.
رخشانه زورانلیک قربانی بولگن بیرینچی عیال ایمس. انسان حق حقوقلری بوییچه ادارهلرنینگ حساباتیده سونگی ییللرده افغانستانده عیاللرگه قرشی زورانلیک میزانی کوزگه کورینرلی درجه ده آشگنی ملعوم قیلینهدی.