غور محلی رسمی‌لری‌نینگ ایتیشیچه، مذکور ولایت مرکزی فیروز کوه شمالی‌ده طالب‌لرنینگ تانیقلی قومندانلریدن مولوی سعدی‌یار، «آپاندیس» کسل‌لیگی‌گه چالینگنی باعث، بوگون ایرته‌لب اوزی‌نینگ خوفسیزلیک کوچلریگه تاپشیرگن.
اوشبو خبرنی تصدیق‌لگن غور پولیس قومندانی غلام مصطفی محسنی‌نینگ سلام‌وطندارگه ایتیشیچه، مولوی سعدی‌یار دارولش اوچون فیروزکوه مرکزی کسلخانه‌گه ییتکیزیلگن و خوفسیزلیک کوچلری‌نینگ نظارتی‌ده بولگن.
غور حاکمی‌نینگ سوزلاوچیسی عبدالحی خطیبی‌نینگ ایتیشیچه، رخشانه‌نینگ تاش کومدیسی، 30 تینچ اهالی‌نی آتیب اولدیریش، 5 امنیتی عسکرنینگ صحرایی محکمه‌سی، شاتیغ پوسته‌سی اوستیگه اویوشتیریلگن هجوم، بوزغونچی هجوم‌لر و دولتی موترلرنی اوغیرلش‌گه مولوی سعدی‌یارنینگ قولی بار ایکن.
جناب خطیبی‌نینگ ایتیشیچه، طالب‌لرنینگ اوشبو قومندانی ساغه‌یگنی‌دن کیین، عدلی و قضایی اداره‌لریگه تاپشیریله‌دی. غور حاکمی‌نینگ سوزلاوچیسی‌گه کوره، سعدی‌یار، سونگی کونلرده داعش گروهی‌گه قوشیلگن و بو گروه تامانیدن فیروزکوه شمالی‌ده قومندان صفتیده تعیین ایتیلگن.
غورده مدنی فعال‌لردن بیرقطاری‌نینگ ایتیشیچه، طالب‌لر و داعش‌نینگ اوشبو قومندانی قوییب یوباریلیشی خصوصیده، قطار تشکیلات‌لر تامانیدن سعی و حرکت قیلینه‌دی. اولر، مولوی سعدی‌یار محکمه بولیشینی سوره‌یدیلر.
رخشانه کمیده بیر ییل آلدین، غور ولایتیده بیر کیشی بیلن علاقه‌دارلیک‌که عیب‌لنیب طالب‌لر تامانیدن تاش کومدی ایتیلدی و بو واقعه افغانستاندن تشقری و ایچکریده کوپینچه عکس‌العمل‌لرگه روپه‌ره بولدی.
