بوگون «شنبه» کابل‌ده خوفسیزلیک و عدالت سیلاوی تیمی رهبری رحمت‌الله نبیل سیلاوی کمپاینی‌نینگ بیرینچی کونی‌ده ایتیشیچه، حکومت تشقی سیاست، تینچلیک کیلتیریش و اجتماعی عدالت تأمین‌لنیشی بولیمی‌ده ناکام بولگن.
جناب نبیل گه کوره، محمداشرف غنی نینگ 5 ییل حکومتی‌ده ناتینچلیک و اداری فساد باعث سوداگرلرنینگ کوپینچه سرمایه‌لری مملکتدن تشقی انتقال بیریلگن.
جمهورلیک ریاستی نینگ اوشبو کاندیدی گه کوره، 70 میلیارد دالر سوداگرلر آرقلی ترکیه و بیرلشگن عرب امیرلیگی گه انتقال بیریلگن.
خوفسیزلیک و عدالت سیلاوی تیمی رهبری نینگ ایتیشیچه، افغانستان یشاوچیلری حکومت رهبرلری نینگ اوز باشیمچه‌لیک و فکر قیلمسدن قیلگن ایشلری باعث، هر قنده‌ی قشاقلیک و بخت‌سیزلیک کورگنلر.
جناب نبیل نینگ کوپه‌یتیریشیچه، 4 هوایی شرکت سقوط قیلگن حالده، هوایی دهلیزلر قوریلیشی هیچ بیر درد نی دارولمه‌یدی.
جناب نبیل نینگ ایتیشیچه، حکومت یالغیز اهالینی آلده‌تیش و قانون سیندیریش بولیمی‌ده غالب چیققن.
خوفسیزلیک و عدالت سیلاوی تیمی کمپاینی نینگ بیرینچی کونی باشلنگن بیر حالده، سیلاودن نظارت قیلووچی نهادلر کاندیدلر کمپاینی رنگ‌سیزلیگی‌دن شکایت قیله‌دیلر.
