اسلامی جمعیت باشلیغی و افغانستان تشقی ایش لر وزیری صلاح الدین ربانی ملی بیرلیک حکومتی رهبرلرینی تنقید قیلیب، بولرنینگ قیلمیشی سیاسی بیتیم اساسیده تطبیق ایتیلمه‌گن دیگن.
بوگون کابل‌ده اوتکزیلگن ییغین‌ده سوزله‌گن مملکت تشقی ایش‌لر وزیری جناب ربانی، لویه جرگه اوتکزیلیب اساسی قانون اوزگرتیریلیشی، باش زویرلیک لوازمی ایجاد بولمه گن لیگی، سیلاولرگه اصلاحات کیریتیلمه‌گن لیگی و پارلمانی ولایتی کینگش لر سیلاولر اوتکزیلمه‌گن لیگی‌گه اشاره قیلیب، حکومت نینگ اساسی شریگی بولگن جمعیت اسلامی بو مساله‌لر عملی بولیشی اوستیده تاکیدله‌گن.
شونینگ‌دیک جمعیت اسلامی باشلیغی، بو حزب نینگ بوتون رهبرلیک اعضالری قیتهدن منسجم بولگن لیک‌لری باره‌سیده اشاره قیلگن.
ربانی، اسلامی جمعیت حزبی‌نینگ عمومی قورلتایی یقین کیله‌جک‌ده اوتکزیلیشی‌نی تیل‌گه آلگن.
اسلامی جمعیت و جمهور رییس بیرینچی اروین باسری جنرال دوستم رهبرلیگی‌ده‌گی جنبش ملی اسلامی حزبلری اورته‌سیده یوز بیرگن قوراللی توقنشولر توغریسی‌ده افسوس بیلدیریب، بو حزب‌نی مذاکره‌گه چقیردی.
شونینگ دیک ربانی، مذکور حزب نینگ فاریاب ولایتی‌ده‌گی اعضالری جنبش حزبی اعضالری تامانیدن اولدیریلگن لیک قضیه‌سی حکومت تامانیدن جدی تیکشیریلیشی‌نی سوره‌گن.
عین حالده، جمعیت حزبی‌نینگ باشلیغی، تینچلیک مذاکره‌سی‌دن اوز حمایتی‌نی اعلان قیلگن.
اسلامی حزبی نینگ تینچلیک لایحهسیگه قوشیلگن لیگی توغریسی‌ده انیق بیرار نرسه تیل‌گه آلمه‌گن جناب ربانی دولت قوراللی مخالف‌لرینی تینچلیک لایحهسیگه قوشیلیشی‌نی خوش قرشیلدی.
باشقه تاماندن خوفسیزلیک و حراست کینگشی‌نینگ رییسی عبدالرب رسول سیاف، بوگون توشدن کیین کابل‌ده اوتکزیلگن مجلس‌ده چیقیش قیلیب، ملی بیرلیک حکومتی‌نی آگاهلنتیریب، ایسته‌گن تقدیرده، حکومت نی چیت‌گه چقاریشی هم امکان سیز ایمس لیگی‌نی ایتگن.
قوراللی طالب‌لرگه خطاب قیلگن جناب سیاف، پاکستان تامانیدن حمایت ایتیلگن لیک‌لری نتیجه‌سی‌نی کورگن لیک‌لری باره‌سیده اشاره قیلگن. او، طالبان حرکتی‌نی ینه بیر بار تینچلیک لایحهسیگه چقیردی.
