بدخشان ولایت ولایتی‌نینگ کینگش رییسی عبدالله‌ناجی‌نظری، ولایت راغستان ولسوال‌لیگی‌نینگ بیر قسمی قوراللی طالب‌لر طرفیدن تصرف ایتیلگن.
جناب ناجی‌نینگ سلام وطندار بیلن تیلفون آرقه‌لی علاقه‌ده بولیب ایتیشیچه، بوگون (جمعه) قتیق بیر توقنشوودن سونگ ولسوال‌لیک‌نینگ بازاری جنگریلر اشغالی‌گه اوتگن.
مذکور ولایت کینگشی باشلیغی جنگریلر همده ملی کوچلر اورته‌سیده هنوز هم اوروش دوامی بارلیگی‌نی ایتگن. جناب نظری، مساله اوچون مرکزی حکومت‌نی بی‌فرقلیککه عیبله‌گن. اوروش مذکور تومنده نیچه کوندن بیری جریانی بولگن، مسؤول بلند مرتبه‌لی رسمیلری بو توغریده حرکت قیلمه‌گنلر. اونگه کوره، فقط ولسوال‌لیک‌نینگ بناسی ملی کوچلر تامانیدن باشقریله‌دی. شونینگ‌دیک بدخشان ولایت کینگشی‌نینگ رییسی اوشبو ولسوال‌لیک سقوط قیلگن حالده، آمو دریا چیگره‌سیده جایلشگن یاوان و کوف ولسوال‌لیک‌لری هم سقوط قیلیشی ممکن دیگن.
عین حالده، ولایت امینه قوماندانی جنرال بابه‌جان سلام‌وطندار بیلن تیلفون آرقه‌لی سوزله‌شیب ایتیشیچه، قوراللی طالب‌لر یالغوز ولسوالیک‌نینک کیچیک بیر بولیمی‌نی تصرف قیلگن و ملی کوچلر تیزلیک‌ده جنگریلر اشغالیدن آزاد ایتیلگن. جناب بابه‌جان‌گه کوره، منطقه‌ده‌گی حربیلرگه همکارلیک قیلیش اوچون تازه نفس حربی‌لر بارگن دیگن. اونینگ سوزلریگه قره‌گنده بوگون توشگچه راغستان ولسوال‌لیگی‌نینگ طالب‌لر تامانیدن تصرف ایتیلگن منطقه‌لر آزاد ایتیله‌دی.
بدخشان ولایت امنیه قوماندانی اوروش تلفاتی حقیده بیرار نرسه تیل‌گه آلمه‌گن، اما قوراللی طالب‌لرگه آغیر تلفات ییتگن دیگن. لیکن، جنگری طالب‌لر تامانی هنوزگچه هیچ نرسه دیمه‌گن.
جاری ییل باشلنگن‌دن بیری قوراللی طالب‌لر سابقه‌سیز روش‌ده شمالی ولایت‌لرده اوز هجوملرینی آشیرگن. بدخشان، قندوز، فاریاب و فراه ولایت‌لری قوراللی طالب‌لر آرقه‌لی قتیق هجوم‌گه توتیلگن ولایت‌لردن سنه‌له‌دی.
