بیرلشگن ملت‌لر تشکیلاتی نینگ باله‌لردن حمایت قیلیش صندوقی یا-ده یونیسف بیر خبرنامه ترقه‌تیب ایتیشیچه، افغانستان کرکت ملی تیمی‌نینگ اویینچیسی راشدخان آرمان، بوگون افغانستانده مذکور تشکیلات نینگ یخشی لیک ایلچیسی صفتیده تانیشتیریلگن.
خبرنامه ده کیلیشیچه، راشدخان ییگولیک آذیق-آوقت خوفسیزلیگینی تأمین‌لش، باله‌لر چالینه‌دیگن ناگرانلیک کسل‌لیگینی نابود ایتیش و اولرنینگ ایملش بولیم‌لریده یونیسف گه یاردم بیره‌دی.
افغانستان کرکت ملی تیمی نینگ تانیقلی سیمالریدن بیری راشدخان نینگ ایتیشیچه، هردایم ساغلیق‌نی سقلش، اورگتیش و تربیه‌لش، توییب آوقتلنیش و باله‌لرنینگ وضعیتی یخشی‌لنیشی خصوصیده سهم‌دار بولیشنی ایسته‌گن و حاضر اونینگ بو فرصت یره‌تیلگن و باله‌لرنینگ کیله‌جگی اوزگریشی توغریسیده سعی و حرکت قیله‌دی.
عین حالده، افغانستان بوییچه یونیسف نماینده‌سی ادیل خضر، باله‌لردن حمایت قیلیش، اولرنینگ خوفسیزلیگینی تأمین‌لش و تعلیمات بیریلیشی خصوصیده سرمایه یاتقزیشنی افغانستانده تینچلیک و برقرارلیک تأمین‌لنیشی اوچون اساسی ایشلردن بیری دییدی.
یونیسف گزارشی اساسیده، افغانستانده کوپینچه ایجابی ایشلر قیلینگن، لیکن حاضرگه‌قدر 2.2 میلیوندن آرتیق قیز باله شامل 3.7 میلیون باله مکتب باریش دن محروم قالگن، بیش یاشردن قویی کمیده 600 مینگ باله نینگ ییگولیک آذیق-آوقت توغریسیده خوفسیزلیگی یوق و باشقه 2 میلیون باله توییب آوقت‌لنمه‌گنی باعث اوسمه‌ی قالگن.
مذکور اداره گه کوره، راشدخان آرمان، بو باله‌لرنینگ وضعیتی یخشی‌لنیشی اوچون فعالیت قیله‌دی.
