فیفا یا د افغانستان د ازادو او عادلانه ټاکنو بنسټ مسوولانو نن په کابل کې د یوې غونډې پر مهال وویل چې د ولسي جرګې د رییس ټاکلو پر سر راپورته شوې لانجه یوه حقوقي او تخنیکي موضوع ده او باید قومي رنګ ور نهکړل شي.
فیفا وړاندیز کوي چې په جرګه کې د تنګنظره قومي بحثونو مخه باید ونیول شي او وکیلان باید د جرګې کورنیو او بهرنیو عناصرو ته اجازه ورکړي چې د دوی له لانجې ناوړه ګټه واخلي.
د فیفا غړی حسیب معترف وايي، د ولسي جرګې د رییس ټاکلو پر سره راپورته شوې لانجه تخنیکي او قومي موضوع ده او یوشمېر کسان په لوی لاس قومي رنګ ورکوي چې دا کار نه یوازې د یادې لانجې د حل په برخه کې اغېزمن نه تمامېږي، بلکې موضوع لا هم لانجمنه کوي.
فیفا په ولسي جرګه کې د راپورته شوي کړکېچ لپاره وايي چې وکیلان باید خپله لانجه په خپله حل کړي او د دې لانجې د پای ته رسولو لپاره دې یوه کمېټه جوړه کړي چې د ۳۴ ولایتونو، کوچیانو او اهلهنود استازي هم پهکې وي.
دا په داسې حال کې ده چې د ولسي جرګې د ریاست څوکۍ پر سر راپورته شوې لانجه لا هم دوام لري او د ولسي جرګې یوشمېر غړي د دغه کړکېچ د حل لپاره د یوه پلاوي پر ټاکلو ټینګار کوي.