عباس رضايي افغان شاعر او لیکوال دی چې کلونه ـ کلونه یې ایران کې ژوند کړیدی؛ خو هلته ورته د ژوند سخت شرایط د دې لامل شول چې د نورو زرګونو کډوالو په څېر ترکیې ته د څوو کلونو د تګ خوب عملي کړي.
عباس پهدې هیله چې شاید له نیکمرغیو ډکې ورځې ولري. په همدې پار له ایرانه د ترکیې په لور روانېږي؛ خو همدا چې ترکیې ته داخلېږي؛ دغه خوب یې په یوې بدې خاطرې بدلېږي.
د عباس په وینا، د هغه د ژوند داستان د هغو زرګونو افغانانو د ژوند داستان ته ورته دی چې له جګړې د تېښتې او روښانه راتلونکې جوړولو لهپاره هڅې کوي؛ له پرلهپسې خو ماتو سره مخېږي.
عباس یوه میاشت مخکې له ایرانه د ترکيې په لوري روان شو چې ترکیې ته له رسېدو ۶ ساعته وروسته، د دې هېواد د سرحدي ځواکونو له لوري واېستل شو.
دی داسې مهال له ترکیې څخه اخراجېږي چې په هېڅ دفتر کې یې د کډوال په توګه نوم نهدی ثبت شوی او ځای نهدی ورکړل شوی.
عباس وايي، هره ورځ د ده په څېر لسګونه افغانان له اروپايي هېوادونو په غیررسمي توګه پرته لهدې ـ چې د هغه هېواد دولت په جریان کې وي ـ اېستل کېږي.
عباس په داسې حال کې د خپل ژوند ترخې خاطرې بیانوي چې د کډوالو او بېرته راستنېدونکیو چارو وزارت مسولان اروپا کې د کډوالو د وضعیت له ښهکېدو خبر ورکوي.
د کډوالو او بېرته راستنېدونکیو چارو وزیر سیدحسین عالمي بلخي وايي، د روان زېږدیز کال لومړیو اتو میاشتو کې له اروپا نه د ډیپورټ شویو افغانانو شمېر ۵۲۰ تنو ته رسېږي.
د هغه په وینا، د تېر کال په پرتلې اروپا کې د پناهغوښتونکیو د ژوند وضعیت ښه شوی او د ډیپورټ شویو شمېر کې هم کموالی راغلی.
هاخوا بیا د کډوالو او بېرته راستنېدونکیو چارو وزارت شمېرو پر اساس، له ۲۰۱۶ کال وړاندې افغناستان ته د ډیپورټ شویو کسانو شمېر کال کې زرګونو کسانو ته رسېد.
