د نړۍ زرګونه خلک د کرایستچرچ د برید له قربانیانو سره د نیوزیلنډ د لومړۍ وزیرې د غمرازۍ او په بیړه یې د دې پېښې پروړاندې د اقدام له کبله پر سترو پاڼو د برېښنايي لاسلیکونو په راټولولو سره د نوموړې لپاره د سولې نوبل جایزې غوښتونکي شول.
په کرایستچرچ ښار کې پر دوو جوماتونو د تېرې ورځې په ترهګریز برید کې ۵۰ کسان ووژل شول او لسګونه نور ټپیان شول.
تراوسه د نیوزیلنډ د لومړۍ وزیرې جاسیندا اردرن په ملاتړ پر دوو سترو برېښنايي پاڼو په ترتیب ۱۶،۶۰۰ او ۳ زره لاسلیکونه راټول شوي دي.
اړوند مطالب:
د نیوزلینډ په دوو جوماتونو کې بریدونو ۴۰تنه وژلي
جاسیندا اردرن چې د کرایستچرچ پېښې د قربانیانو له کورنیو سره د غمرازۍ له امله ستایل شوې، په ټولنیزو رسنیو کې له ګواښ سره مخ شوې ده.
د نیوزیلنډ پولیسو اعلان کړی چې نوموړې ته ۲ ګواښونه شوي دي. د یادو ګواښونو له ډلې یو یې د هغې وسلې تصویر دی چې «بل کس ته یې» پرې لیکل شوي دي.
اردرن د تېرې جمعې لمانځه په هغو مراسمو کې ګډون وکړ چې د کرایستچرچ ښار، مسجدالنور ته نږدې په یوه پارک کې جوړ شوي وو. د راپورونو له مخې، نوموړې د جمعې لمانځه د خطبې ویلو پر مهال اوښکې تویولې.
