د هلمند وايي محمدیاسین خان سلام وطندار ته د دې خبر په تایید سره وايي چې د غوڅ ملاتړ ماموریت ځواکونو بېګا د دې ولایت په ګرمسیر ولسوالۍ کې په طالبانو باندې هوايي برید کړی چې په پایله کې یې طالبان او ځېنې ملکیان وژل شوي او ټپیان شويدي
د هلمند والي د تلفاتو د کره شمېرې په اړه څه نه وايي؛ خو زیاتوي چې برید داسې مهال شوی چې د طالبانو یوه ډله په یو استوګنیز کور کې پټ شويوو.
په ورته وخت کې د ګرمسیر ولسوالي یو اوسېدونکي سلام وطندار ته د ټیلیفوني اړیکې له لارې وویل چې بهرنیو ځواکونو د دې ولسوالۍ په زیزیري دراب سیمه کې د حاجي اخترمحمد کور باندې برید کړی په پایله کې یې د ماشومانو په ګډون ۱۷ تنو خپل ژوند له لاسه ورکړی.
د سیمې دا اوسېدونکی وايي چې له طالبانو نه د پاکولو لهپاره پهدې ولسوالۍ کې عملیات هم روان دي.