د حکومت له خوا چمتو شوی د غونډو، اعتصابونو او لاریونونو قانون مسوده د ولسي جرګې یو شمېر غړو او مدني فعالانو له منفي غبرګون سره مخ شوه.
دوی باوري دي، دا مسوده د اساسي قانون خلاف او د وطنوالو په ټکولو کې حکومت ته واک ورکوي.
په ولسي جرګه کې د غزني استازې شا ګل رضایي د دغه قانون مسوده د اساسي قانون خلاف بولي او زیاتوي، چې ښایي حکومت له دوبني تعطیل په ګټنې راتلونکې اوونۍ پیلیږي دا د تقنیني فرمان له لارې توشیح او په عملي توګه د خلکو ازادي چې د اساسي قانون په دویم څپرکي کې د افغانستان د خلکو اساسي حقونو او مکلفیتونو په توګه مطرح شوي، له خلکو واخلي.
مدني فعال سمیع دره یي د غونډو، اعتصابونو او لاریونونو قانون مسوده چې نوې چمتو شوې، د خلکو ازادیو محدودولو او اعتراض غږ زندۍ کولو په مانا بولي او وایي حکومت د ټکونې او پولیسي تګلارې ته مخه کړې چې دغه عمل خلکو او مدني ټولنې ته د منلو نه دی.
د روښنایي غورځنګ غړي داود ناجي سلام وطندار ته وویل، حکومت غواړي په دغه ډول قانون سره د خلکو مدني اعتراضونه له قانوني لارې وټکوي.
د ناجي په وینا که حکومت وطنوال له مدني اعتراضونو محروم کړي، ټولنه به د تاوتریخوالي لار غوره کړي.
خو د ولسمشر ویندوی دفتر ځای ناستی شاه حسین مرتضوي وایي، دا مسوده وروستۍ نه ده او د ولسمشر دویم مرستیال دفتر کې کار پرې روان دی.
د غونډو، اعتصابونو او لاریونونو قانون مسوده په ټولنیزو شبکو کې هم له منفي غبرګون سره مخ شوې ده.
