د غور ولایتي شورا یو شمېر غړي او د دولتي ادارو مسوولان وايي، د دې ولایت د مستوفیت ادارې د مدیریتي کمزورتیا او کمکاریو په دلیل د خپلې عادي بودیجې د یوې برخې په مصرفولو نهدي توانېدلي.
د غور ولایتي شورا مشر فضلالحق احسان سلاموطندار ته وايي، داسې اسناد یې ترلاسه کړي چې د دې ولایت دولتي ادارو څه باندې ۱۴۰میلیون عادي بودیجه نه مصرفول ښيي.
ښاغلی احسان د بودیجې نه مصرفول، د داسې یو ولایت پر وړاندې ـ چې وروسته پاتې دی ـ یو لویه جفا بولي.
د غور د پوهنې ریاست سرپرست او تدریسي مدیر فضلالحق نجات ادعا کوي چې د دې ادارې شاوخوا ۵۴ میلیونه افغانۍ د دې ولایت د مستوفي کمکاریو او بېتوجهيۍ په دلیل نهدي اجرا شوي.
دی ـ چې له له خپلو اجراتو راضي دی ـ خپل ټول حوالهجات چې مستوفي هم پرې قانع وو، تر سره کړي؛ خو وايي، بیا هم د مامورانو شاوخوا ۵۴ میلیون افغانۍ باقي پاتې دي.
خو د غور مستوفیت ادارې مشر محمدطاهر مومند د ولایتي شورا غړیو او د دولتي ادارو د کارکوونکیو ادعاوې نه مني او وايي، یوازې یې هغه حوالې نه دي اجرا کړي چې د قوس له ۱۵مې وروسته ور وړل شويدي.
د غور مستوفیت ادارې له لوري د وړاندې شویو شمېرو پر اساس، د دې ولایت عادي بودیجه ۲ میلیارده او ۹۱ میلیون افغانۍ وه چې لهدې جملې یو میلیارد او ۹۸۴ یې مصرف شوېده.
د غور دولتي ادارو مسوولانو او د ولایتي شورا غړیو په اند، د بودیجې نه مصرفول د دې لامل کېږي چې دې ولایت ته د حکومت پام کم شي.
