د جوزجان ولایت د درزاب ولسوالۍ سیمهییز چارواکي وايي، چې دې ولایت ته د نومول شوی والي مرستیال قاري حفیظ او د دې ډلې یو لوړپوړي غړي نقیبالله حیدري له نورو ۳۰ تنو طالبانو سره چې د دوی تر لاس لاندې وو؛ له داعش سره بعیت وکړ.
د درزاب ولسوال رحمتالله حشر سلام وطندار ته وویل، چې په درزاب او قوش تپې ولسواليو کې له پرلهپسې نښتو وروسته قاري حفیظ او د خانقاه، اقچې، مردیان او فیضاباد ته د دې ډلې لهخوا نومول شوی یو لوړپوړی چارواکی له ۳۰ طالبانو سره هغه وخت داعش سره بیعت وکړ، چې یوه اوونۍ د داعشیانو له لوري اسیران ښويوو.
د حشر پر وینا، داعش ډلې څو کلي او د طالبانو څو کلیدي ځایونه ونیول او پر هغو یې خپل بیرقونه پورته کولو وروسته د خلکو په مرسته طالبان خپلې ډلې ته وربلل.
په ورته وخت کې د جوزجان امنیه قوماندان مل پاسوال رحمتالله ترکستاني وویل، داعشیانو له طالبانو سره د خپلمنځي ستونزو پر سر نښته کړېوه، چې طالبان له ماتې وروسته له داعشیانو سره یوځای شول.
د ترکستان پر وینا، داعشیانو له طالبانو نه په نیولو شویو سیمو کې اعلان کړی، که وروسته لهدې هر چا له طالبانو سره مرسته وکړه؛ د دوی د قانون لهمخې به مجازات شي.
دا پهداسې حال کې ده، چې طالبان له داعشیانو سره د مخدره موادو د پيسو پر سر، مخدرهموادو او یو لوړپوړي چارواکي پر سر نښتي وو، چې په پایله کې یې د دواړو ډلو شاوخوا ۱۶۰ تنو ته مرګ و ژوبله واوښتله او ځېنې طالبان له داعشیانو سره اسیران شول.
