د سولې عالي شورا دارالانشا مشر او د سولې سیمهییزې اجماع کې د ولسمشر ځانګړی استازي محمد عمر داوودزي کابل کې د «ښځو، سولې او امنیت» په عنوان جوړې غونډې کې وويل، د امریکا متحده ایالات به افغناستان کې د سولې له ټینګښت وروسته پرېکړه وکړي چې خپل ځواکونه له دې هېواده بهر کړي او کهنه.
د ښاغلي داوودزي په وینا، افغان حکومت د امریکا او طالبانو ترمنځ د سولې له جریانه خبر دی او تراوسه د هغوی ترمنځ هېڅ ډول پرېکړه نهده شوې.
ده په ورته مهال وویل، د طالبانو له دې غوښتنې وروسته چې امریکا دې د خپلو ځواکونو د ایستلو مهالوېش اعلان کړي، امریکايي پلاوي ویلي، که د سولې له ټینګښت وروسته ټول افغانان وغواړي؛ بیا دوی پهدې اړه فکر کوي.
د امریکا د متحده ایالاتو ولسمشر ډونالډ ټرمپ هم څه موده مخکې کانګرېس ته پهخپلې کلنۍ وینا کې د افغان سولې پیل شوې خبرې ګټورې بللې وې او وویلي وو، که دغو خبرو کې پرمختګ وشي، د امریکايي ځواکونو شمېر به کم کړي او د ترهګرۍ په مخنیوي به تمرکز وکړي.
ښاغلی داوودزی همدارنګه وايي، د سولې په اړه د افغانښاروندانو نظرپوښتلو په موخه د روانې حوت میاشتې په پای کې مشورتي لویه جرګه جوړېږي.
د سولې عالي شورا دارالانشا مشر ټینګار کوي، د لومړي ځل لهپاره به دغه لویه جرګه د یوه غیردولتي کمېسیون له لوري ترسره شي او دې جرګې کې به د ښځو ونډه هم ۳۰ سلنه وي.
ورته مطالب:
خلیلزاد: د سولې بینالافغاني خبرو پیلول بېړنی لومړیتوب دی
ولسمشر: طالبانو ته کابل، ننګرهار یا کندهار کې دفتر ورکولی شو
ناټو: د افغان سولې لپاره وروستۍ هڅې هیلهبښونکې دي
هاخوا د بشري حقونو خپلواک کمېسیون مشرې سیما سمر دې غونډې ته وویل، د طالبانو دغه لیدلوری ـ چې وايي ښځې ولسمشري نهشي کولی ـ د ښځو او نرینهوو د حقونو برابرۍ اصل تر پوښتنې لاندې راولي.
د بشري حقونو خپلواک کمېسیون مشره د سولې خبرو اترو کې د ښځو د پراخ حضور غوښتنه کوي.
د بشري حقونو خپلواک کمېسیون مشره همدارنګه ټینګار کوي چې د شخصي غچاخېستلو مخنیوي لهپاره، د جګړې د قربانیانو غږ اورېدل او د ملي پخلایني لهپاره د میکانیزم جوړول اړین دي.
کابل کې د امریکا متحده ایالتونو سفیر جانبس هم د افغانانو له لوري د سولې خبرو په مشرۍ ټینګار کوي او وايي، افغانان باید د سولې خبرو له جریانه خبر وي.
