د پروان، کاپیسا، تخار، ننګرهار، لغمان، کندهار، بامیانو، فاریاب، جوزجان او سرپل ولایتونو خلک په هېواد کې د دوو لوړو مراسمو په اړه اندېښنه ښيي او وايي په اوسني کړکېچن وضعیت کې دغه شان حالت د خلکو عادي ژوند ګډوډ کړی دی.
دغه راز د پروان، کاپیسا او تخار ولایتونو خلک وايي، د دوو مشرانو له لوړې سخت اندېښمن دي او د دغه وضعیت دوام به په هېواد کې د لویو کړکېچونو سبب شي.
همدارنګه د بامیانو، کندهار او جوزجان ولایتونو یو شمېر ښځې هم وايي چې د ولسمشر غني او عبدالله له لوري د لوړه کول هېواد د تجزیې په لوري بیايي. د دغو ولایتونو ښځې زیاتوي چې که روان وضعیت د خبرو اترو له لارې حل نه شي، دواړه لوري به یوه خطرناک پړاو ته ننوځي.
له بلې خوا، د نورستان او کونړ ولایتونو خلک وايي محمد اشرف غني د ټاکنو خپلواک کمیسیون له خوا د پایلو اعلانېدو پر بنسټ د هېواد ولسمشر دی او دوی د عبدالله په مشرۍ ټولشموله حکومت نه مني.
همدارنګه د چارو یو شمېر کارپوهان خبرداری ورکوي چې که د منځته راغلي وضعیت لپاره مناسبه حل لاره پیدا نه شي، د مشرانو دغه ځواک ښودنه به له افغان ولسه زیاته قرباني واخلي.
په دې تړاو: