د امریکا د دفاع سرپرست وزیر پاتریک شاناهان نن سهار کابل ته راورسېد. هغه ـ چې په یو نااعلان شوي سفر کابل ته راغلی ـ ټاکل شوې د خپلو سرتېرو ترڅنګ له افغان ولسمشر محمداشرف غني سره هم وویني.
ویل کېږي چې د امریکا د دفاع سرپرست وزیر به د ملي یووالي حکومت له مشرانو سره له طالبانو سره د سولې په تړاو خبرې اترې وکړي.
ښاغلي شاناهان ویلي چې د سولې په خبرواترو کې د ملي یووالي د حکومت حضور ضروري دی.
ورته مطالب:
خلیلزاد: د امریکا لهپاره سوله لومړیتوب دی، نه د ځواکونو ویستل
ولسمشر: د لږکیو له لوري سوله نتیجې ته نه رسېږي
خلیلزاد ولسمشر ته د دوحې غونډې راپور وړاندې کړ
افغان ولسمشر محمداشرف غني پرون د ننګرهار په شینوارو کې یوې ولسي غونډې ته ویلي وو، که طالبان د خبرو لهپاره په کابل، لوی ننګرهار یا لوی کندهار کې سیاسي دفتر وغواړي؛ چمتو دی چې دفتر ورکړي او امنیتي یې هم ونیسي.
د امریکا د دفاع سرپرست وزیر داسې مهال کابل ته سفر کوي چې لهدې مخکې د افغان سولې لهپاره د امریکا د بهرنیو چارو ځانګړي استازي زلمي خلیلزاد څو ځلې له طالباستازیو سره د سولې په اړه خبرېاترې کړېدي.
