په امریکايي پوهنتون کې نن ورځ د ځېنو حکومتي چارواکیو، بیات بنسټ او د دغه پوهنتون مسوولانو لهخوا د بیات ټکنالوژۍ انسټیټوټ پرانستل شو.
د افغانستان امریکايي پوهنتون رییس ډاکتر کنټ هلند په دې اړه جوړو شویو مراسمو ته وویل، دغه انسټیټوټ د ټکنالوژۍ ودې په برخه کې ګټور ګام او د ظرفیتونو په روزلو کې مرسته کوي.
ډاکټر کنټ هلنډ وویل، هر کال به د بیات انسټیټوټ ملاتړ لهپاره ۱۰۰ زره ډالر ترلاسه کړو او دغه راز، د ۱۵ زدهکړیالانو لهپاره چې د بیات بنسټ له خوا معرفي کېږي د کمپیوتر ساینس او ای ټي په برخو کې بورسیې هم ورکوي.
ورته وخت کې د بیات بنسټ مشر احسان الله بیات وايي په دغه انسټیټوټ کې به زدهکړیالان د کمپوټر ساینس او ساینس په برخو کې زدهکړې وکړي او د دې بنسټ جوړول زدهکړیالانو ته د نوې څېړنې او روزنې زمینه برابروي.
ښاغلي بیات د افغانستان له امریکايي پوهنتون سره د یو میلیون ډالر مرستې هم ورکړ.
دغهراز حکومتي چارواکيو هم د بیات ټکنالوژۍ انسټیټوټ جوړول د پوهنې په برخه کې یو ستر فرصت بولي او له سوداګرو غواړي په دې برخه کې ونډه واخلي.
