امریکانینگ 45- جمهور رییسی دونالد ترامپ، بیرینچی کون ایشی‌ده تینچ اقیانوس اطرافیده‌گی 12 مملکت اشتراکی‌ده بولگن «ترانس پاسیفیک» ایرکین سوداگرلیک شرطنامه‌سیدن چتلندی. جناب ترامپ، بو ایشی‌نی بیرینچی تجاری حرکتی باشله‌نیشی دیدی.
آق‌سرای‌نینگ خبرنامه‌سیده کیلیشیچه، بو ایش قوشمه ایالت‌لر اهالیسی اوچون ایش‌گه زمینه یره‌تیلیشی خصوصیده عمل‌گه آشیریلگن.
شونینگ‌دیک، اوشبو خبرنامه‌ده شمالی امریکا ایرکین شرطنامه‌سی (نفتا) مذاکره‌سی‌گه قیته تیکلنگنی‌گه اشاره قیلینگن و بو شرطنامه‌ده میلادی 1994- ییل امریکا، کانادا و مکزیک آره‌سیده قول قوییلگن ایدی.
آق‌سرای‌نینگ ایتیشیچه، اوزاق ییل‌لر اوچون امریکالیک‌لر سوداگرلیک کیلیشوولرنی تَن آلیش‌گه مجبور بولیب و هردایم تینچ اهالی، عیال‌لر و ایشچی‌لرنینگ منفعتی‌گه نسبَتَن دولت مندلرنینگ منفعتی‌نی نظرگه آلگن‌لر.
خبرنامه‌دن نقل بولیشیچه، کیلیشوولر جدی توتیلیب و عدالت نظرگه آلینگن صورتده، امریکا اقتصادی یوکسه‌لیب و میلیونلرچه کیشی اوچون ایش‌گه زمینه یره‌تیله‌دی.
ایتیش لازم، ترانس پاسیفیک شرطنامه‌سی میلادی 2016- ییل، امریکانینگ اوشه زمان دولتی تامانیدن امضالندی، بیراق عمل گه آشیریلمه‌دی.
