افغانستان دولت باشقره‌لاوچی‌سی فرید حمیدی، فساد افغانستان خلق‌نینگ ییریک دشمنی دیب، اونی ترورچی‌لردن هم کوره یمانراق دیگن. او بوگون کابل‌ده اوتکزیلگن بیر ییغین‌ده ایتیشیچه، اداری فسادگه قرشی کوره‌شی‌لمه‌گن حالده، افغانستان خلقی‌نینگ کونگلی‌گه ایشانچ توغمس‌لیگی ممکن.
او، افغانستان دولتی‌نینگ حضوری بولگن منطقه‌لرده، اهالی قضیه‌لرینی حل قیلیش اوچون دولت قوراللی مخالف‌لریگه یوزلنه‌دی دیگن. حمیدی عدالت امنیت‌نی کوچلنتیره‌دی دیب، یالغوز قورال زوری بیلن برقرارلیککه ییتیشیش امکان‌سیز لیگینی بیلدیرگن.
جناب حمیدی، فساد دوسیه‌لریده عدلی و قضایی اداره‌لرنینگ رسمیلری عادی کیشی‌لر بیلن ایشی توشمس‌لیگینی ایتگن. اونینگ سوزلریگه قره‌گنده، فساد اینگ مرکب مساله بولگن.
شونینگ‌دیک ییریک فساد گه قولی بولگن ترماق‌لر ایریم یول‌لر بیلن ملی کوچلرنی تهدید قیلیش‌لری هم هیچ گپ ایمس دیگن حمیدی. عین حالده، پولیس ییریک فسادگه قولی بولگن‌لرنی حبس‌گه آلیش اوچون جرئتی یوق دیدی او.
جمهور رییس‌نینگ یخشی حکومتچیلیک اوچون مخصوص نماینده‌سی احمدضیا مسعود هم حکومت‌ده‌گی بعضی تیوره‌کلرنی اداری فسادگه قول‌لر بارلیگی‌نی در قیلمه‌گن. مسعود، هنوزگچه افغانستان عالی محکمه‌سی اداری فسادگه قره‌شلی ییریک دوسیه بارهسیده عدالت‌لی و منطقی قرار قبول قیلگن لیگی‌گه هیچ کیم گواه ایمس دیگن.
شونینگ‌دیک جناب مسعود، افغانستان حکومتی اداری فسادگه قرشی کوره‌شیش اوچون کوچلی بیر قدرت‌ده بولمه‌گن حالده، عدالی وقضایی اداره لرنینگ قیله‌جک ایشلری بیلن فسادنی یوق قیلیش اسان ایمس‌لیگی اوستی‌ده اورغوله‌گن.
عین حلده، مملکت عالی محکمه‌سی‌نینگ رسمیلری، ینگی باشقره‌لاوچی ایش‌گه باشله‌شی بیلن اوشبو اداره‌لرنینگ اداری و قضایی بولیم‌گه اصلاحات کیلتیریلگن لیگینی ایتگن‌لر.
عالی محکمه‌نینگ سوزلاوچی‌سی عبدالله عطایی بوگون (شنبه) کابل‌ده بیر خبری انجمن‌ده، مذکور اداره‌نینگ 60 ملازمی فسادگه قولی بارلیک‌ده عیب‌له‌نیب حبس‌گه آلینگن دیگن. اونگه کوره، بو حرکت ایسه اداری فسادگه قرشی کوره‌شیش اوچون اجابی بیر حرکت حسابلنه‌دی.
شونینگ‌دیک جناب عطایی مملکت بولیب 659 قاضی بیر – ییردن باشقه بیر جایگه اوزگرتیریلگن لیک‌لری بارهسیده اشاره قیگلن.
اما، کابل بیلیم یورتی‌نینگ استادی طاهر هاشمی‌نینگ سلام‌وطندارگه ایتیشیچه، قضا سیستمی کیشی‌لرنی او ییردن بو ییرگه المشتیریش بیلن اصلاحات کیریش ممکن ایمس دیگن. اونگه کوره، عالی محکمه اداری فساد اوچون اساسی دستور نظرده تویشی ضررو.
افغانستان جمهور رییسی قسم یاد کیلتیریش مراسمی‌ده مملکت عالی محکمه‌سینی فساد اویه‌سی‌گه ایلنگن دیگن ایدی. شونینگ‌دیک جمهور رییس‌غنی بو مرکز اداری فساد یوق ایتیلیشی اوچون جدی مبارزه قیلیش‌دن سوز بیرگن ایدی. اما، جمهور رییس‌غنی نینگ حکومتی‌دن ایکّی ییل اوتیشی بیلن اونینگ تنقید قیلووچی‌لر جمهور رییس غنی‌نینگ هنوز گچه عمل‌ده بیرار ایش قیلیش‌گه موفق بولیشمه‌گن دیگن‌لر.
