مملکت برچه بیلیم یورت‌لری نینگ اوقیتووچی‌لری آیلیک‌لری کوپه‌یشی خصوصیده، درس بیریش‌دن قول تارتیب و صنف‌لرده حاضر بولیشدن واز کیچگنلر.
سلام‌وطندار گه صحبت بیرگن کابل بیلیم یورت استادلری نینگ انجمنی باشلیغی نجیب‌الله امرخیل نینگ ایتیشیچه، عالی اوقوو وزیرلیگی نینگ 35- ماده‌سی اساسیده، بیلیم یورت اوقیتووچی‌لری نینگ آیلیک و امتیازلری اَیری قاعده اساسیده بیریلیشی کیره‌ک؛ بیراق مالیه وزیرلیگی اوشبو قاعده عمل گه آشیریلیشی توغریسیده توجه‌سیزلیک قیله‌دی.
امرخیل نینگ ایتیشیچه، بیلیم یورت اوقیتوچی‌لری نینگ انجمنی اوشبو قاعده عمل گه آشیریلیشی اوچون عالی اوقوو وزیرلیگی گه نیچه مکتوب یوبارگنلر و اوتگن 4 آی‌ده اوشبو قاعده عمل گه آشیریلیشی اوچون عالی اوقوو وزیرلیگی اوستیگه باسیم کیلتیرگنلر.
اونینگ کوپه‌یتیریشیچه، عالی اوقو وزیرلیگی اوشبو قاعده نی تیارله‌گن و عدلیه وزیرلیگی گه یوبارگن و او ییردن مالیه وزیرلیگی گه یوباریلگن؛ بیراق مالیه وزیرلیگی حاضرگچه بو توغریده هیچ بیر ایش قیلمه‌گن.
اونگه کوره، شونینگدیک اولر بو توغریده مالیه وزیرلیگی نینگ قانیقتیریش اوچون حرکت قیله‌دیلر؛ بیراق بو ایش گه موفق بولمه‌گنلر.
عالی اوقو وزیرلیگی سوزلاوچیسی فیصل امین نینگ ایشانچ بیریشیچه، مالیه وزیرلیگی نینگ همکارلیگی بیلن اوشبو قاعده اوستیگه ایش قیله‌دیلر و توغری نتیجه آلیش توغریسیده امید بار.
عین حالده، بیر ییل دن بویان سیدجمال‌الدین افغان معلم تربیه‌لش موئسسه‌سی طلبه‌لری و اوقیتوچی‌لری اعتصاب قیلیب و اوشبو موئسسه بیلیم یورت گه ارتقا قلیشی نی سوره‌گنلر؛ بیراق اولر حاضرگچه ایستگی گه ییتشمه‌گن.
