.JPG)
جمهورلیک ریاستی نینگ بیرینچی اورین باسری عبدالرشید دوستم نینگ ایتیشیچه، داعش گروهی و القاعده ترماغی نینگ اوزبیکستانلیک اعضالری طاهر یولداش نینگ اوغلی، «جمعه‌بای و داکترحمید» عایله اعضالری و اوشبو گروه بیرقطار جنگریلری بیلن جوزجان، سرپل، فاریاب و بادغیس ولایت‌لری نینگ قطار بولیم‌لریده جایلشگن‌لر.
جمهورلیک ریاستی نینگ بیرینچی اورین باسری، ملی بیرلیک حکومتی اجرایی باشلیغی نینگ ایکینچی اورین باسری محمد محقق و نماینده‌لر کینگشی نینگ بیرقطار اعضالری بیلن اوتگن کونی جوزجان مرکزی شبرغان شهریده اوچره‌شگن ایدی. اوشبو اوچره‌شووده جناب دوستم نینگ ایتیشیچه، طالبان گروهی بیلن تینچلیک شرطنامه امضالنگنیدن سونگ، مملکتده اوروش یکونلنیشی خصوصیده امیدوارلیک یوق دیر، چونکه داعش و القاعده اوروش‌گه تیارگرلیک آلماقده.
جناب دوستم نینگ کوپه‌یتیریشیچه، «آته‌سی اوزبیکستان انقلابی حرکت حزبی نینگ رهبری ایدی و حاضرده اوغلی 70 کیشی و جمعه‌بای بیلن بالامرغاب تومنیده جایلشگن، داکترحمید کمیده 3 یا-ده 4 یوز جنگری و عایله‌لری بیلن سرپل ولایتی نینگ کوهستانات تومنیده جایلشگن و اوروش‌گه تیارگرلیک آلماقده‌لر.
بیراق، ملی مدافعه وزیرلیگی سوزلاوچیسی زبیر عارف نینگ ایتیشیچه، داعش گروهی اوشبو ولایتده نابود ایتیلگن و اینه‌بیر مرته باش کوتارگن صورتده، امنیتی کوچلر تامانیدن نابود ایتیله‌دی.
بیرقطار معلومات‌لرگه کوره، حاضرده داعش گروهی جوزجان ولایتی نینگ درزاب و سرپل ولایتی نینگ کوهستانات تومنیده فعالیت قیله‌دی.
شوتوغریده…
