.jpg)
شفافیت اداره مسئولری‌نینگ ایتیشیچه، افغانستان قیته‌قوریلیشی اوچون دنیا جماعه‌چیلیگی تامانیدن یاردم ایتیلگن پول‌لر قطار یاردم‌ایتوچی، افغانستان حکومت رسمی‌لری، و زوره‌وانلر تامانیدن اوغیرلنگن و بو پول‌لر قیته‌دن حکومت گه بیریلیشی کیره‌ک.
بوگون کابل‌ده شفافیت اداره باشلیغی سیداکرام افضلی «دواملی هدف‌لر آرقلی فسادگه قرشی کوره‌ش» ییغینیده ایتیشیچه، دنیا جماعه‌چیلیگی اوتگن 15 ییل‌ده 100 میلیارد دالر افغانستان ده یاردم بیرگن و بو اساس ده افغانستان یشاوچیلری نینگ هربیریسی نی سهمی 33 مینگ دالر دیر.
افضلی جنابلریگه کوره، عین حالده افغانستان یشاوچی‌لریدن 3 میلیونی تشقی یاردم‌لرگه احتیاجی بار، باشقه 10 میلیونی ساغلیک خدمتلرگه قول تاپلمه‌یدیلر و شونینگدیک باشقه بولیم‌لرده هم کوپینچه قیینچیلیک لرگه روپه‌رو بولگنلر.
.jpg)
بو ییغین ده نطق سوزله‌گن اقتصاد وزیری مصطفی مستورنینگ ایتیشیچه، ناتینچلیک دن سونگ، قشاقلیک افغانستان اوچون کته قیینچلیک دیر. مستورجنابلریگه کوره، قطار کیشی‌لر غاصب‌لر و زوره‌وانلرنی یاردمچی‌لری دیر و دولتی اداره‌لرگه بولگن علاقه‌لر فسادگه قرشی کوره‌ش اوچون کته قیینچیلیک حسابلنه‌دی.
افغانستان اوچون آلمان یاردم‌لری(GIZ)موسسۀ باشلیغی اف من نینگ بو ییغینده ایتیشیچه، فساد افغانستان‌ده‌گی ترقیات، برقرارلیک، خوفسیزلیک و اقتصادی اوچون جدی توسیق دیر. اف من جنابلریگه کوره، دواملی ترقیات اهدافی تطبیق ایتیلیشی، افغانستان حکومتی ده فسادگه قرشی کوره‌ش اوچون یاردم بیره‌دی.
