ملی مجلس‌ده بغلان ولایتی‌نینگ نماینده‌سی دلاور ایماق، بوندن نیچه کون آلدین ولایت‌نینگ دندغوری منطقه‌سیده ناتانیش اوچقوچ‌لر قورال‌لی طالب‌لرگه حربی جهاز ترقتگن‌لیگی باره‌سیده خبر بیرگن.
بوگون (چهارشنبه) مجلس‌نینگ عمومی ییغینی‌ده سوزله‌گن جناب ایماق، هنوزگچه بو توغریده حکومت و ملی کینگش هیچ قنده‌ی تیکشیرو اوتکزمه‌گن. او، رسمیلردن مساله جدی تیکشیرلیشی‌نی سوره‌گن.
شونینگ‌دیک بغلان اهالیسی‌نینگ مذکور نماینده‌سی، دولت دندغوریده‌گی طالب‌لر حضوری قانونی بولیشی اوچون حکومت تامانیدن امضالنگن کیلشوو ناکاملیککه روپه ره بولگن دیگن و حاضر مذکور منطقه‌ده پاکستانلیک جنرال‌لر نمایده‌لیکلرینی ایجاد قیلگن.
ایریم گزارش‌لرده افغانستان دولتی بغلان ولایتی اینیقسه دندغوری منطقه‌سیده تینچلیک تامین ایتیلیشی اوچون طالب‌لر بیلن کیلیشوو امضا قیلگنی ایتیلگن ایدی. اما، مملکت قوم و قبیله‌لر وزیرلیگی بونده‌ی بیر شرطنامه امضالنگن‌لگینی رد قیلیب، یالغوز دند غوری قوم یاش اولوغلری بیلن دولت اورته‌سیده کیلیشیوگه قول قوییلگن دیگن ایدی. مذکور شرطنامه اساسیده دندغوری اهالیسی منطقه امنیتی‌نی اوزلر تامین قیلیش‌نی ذمه‌لریگه آلگن.
موضوعنی جدی آلگن مجلس باشلیغی، پارلمان‌نینگ امنیتی و مدافعه‌وی کمیسیونی‌دن مساله یاریتیلیشی اوچون تیزلیک‌د‌ه خوفسیزلیک رسمیلرینی چقیریش‌نی سوره‌گن. بو توغریده افغانستان ملی مدافعه وزیرلیگی فکرینی اورگه‌نیش اوچون آلیب بارگن سعی وحرکت لریمیز نتیجه بیرمه‌دی.
