دایکندی ولایتی‌نینگ قطار مدنی فعال‌لری، اوشبو ولایت حاکمی‌دن جدی تنقید قیلیب ایتیشیچه، فساد کوپه‌یگنی، ناتینچلیک و ترورچی گروه‌لر حضوری، مذکور ولایت اهالیسی‌نی خواطرگه سالگن، بیراق ولایت حاکمی بو توغریده بی‌فرق یانده‌شه‌دی.
کابل‌ده ناراضیلیک ییغین اوتکزگن اوشبو مدنی فعال‌لر، میدیاگه حجت ارایه قیلیب ایتیشیچه، دایکندی حاکمی معصومه مرادی سمبول دیر و کوپینچه ایشی اِیری خلیل پیلوت تامانیدن عمل‌گه آشیریله‌دی.
اوشبو مدنی فعال‌لر تامانیدن میدیاگه بیریلگن بیر سیسلی حجت‌ده، بوندن آلدین فسادگه عیب‌لنگن معصومه مرادی‌نینگ یاوری حمید بیگوال، مشخص کیشی بیلن لایحه‌لرنی تاپشیریش توغریسیده صحبت قیله‌دی.
دایکندی مدنی فعال‌لری‌نینگ کوپه‌یتیریشیچه، خانم مرادی اوشبو ولایت حاکمی صفتیده تانیشتیریلگنی‌دن بویان 10 جنایی واقعه یوز بیرگن، بیراق بو واقعه‌لر توغریسیده بیر کیشی هم قولگه آلینمه‌گن.
بیراق، دایکندی حاکمی معصومه مرادی، مدنی فعال‌لر تامانیدن بولگن برچه عیب‌لاولرنی رد قیلیب ایتیشیچه، اوشبو ولایت حاکمی صفتیده تانیشتیریلگنی‌دن بویان، بو ولایت‌ده هیچ بیر قتل قضیه‌سی رویخط‌گه آلینمه‌گن و شونینگ‌دیک، فسادگه قرشی کوره‌ش خصوصیده، کوپینچه یوتوق قولگه کیریتگن.
دایکندی مدنی فعال‌لری‌نینگ آگاه‌لنتیریشیچه، مرکزی حکومت ایستک‌لریگه دقت قیلمه‌گن صورتده، اولر ناراضیلیک نمایش‌لرینی کینگه‌یتیریش‌لری ممکن.
