دایکندی بندری و سنتگتخت تومنی‌نینگ تلخک قیشلاغی یشاووچی‌لر اورتهسیده کوچیک اوریشتی مسابقه‌سی اوستی‌ده شرط اوینله‌دی و مسابقه ایسه سابق‌دیک عادی روش‌ده باشلنه‌دی.
اما، کوچلی ایت اوستی‌دن چیققن جنجال سبب مسابقه ییریده بیر عیال هلاک بولیب و ایکی کیشی جراحت آلیشی‌گه سبب بوله‌دی.
بندر و سنگتخت تومنی‌نینگ ولسوالی ضامن پویانینگ سلام‌وطندارگه ایتیشیچه، اوتگن کون (سه شنبه) توشدن توشدن کیین بیر قنچه یاشلرنینگ تشویق و ترغیبی اساسیده تلخک قیشلاغی‌ده ایت اوروشی اوتکزیله‌دی.
لیکن، ایت‌لر بیر – بیراوی بیلن اوروش‌ده بولگن‌ده ایت ایگه‌لری اورتهسیده هم توقشنو یوز بیره دی. نتیجه‌ده ایت ایگه‌لریدن بیری قولیده‌گی قوراللی بیلن مقابل تامانگه قره‌ته اوق اوزیش‌گه باشلیدی. بو اوق اوزیش عاقبتی‌ده بیر خاتین قربان بولیب و اوچ کیشی جراحت آله‌دی.
سنگتخت و بندر تومنی ولسوالی‌گه کوره، قاتل واقعه‌دن کیین حادثه ییردن قاچیش‌گه موفق بوله‌دی. ایتیلیشیچه، اونی قول‌گه آلیش اوچون سعی وحرکت‌لر باشلنگن.
جناب پویا، واقعه‌ده یره‌لنگن‌لر دواله‌نیش اوچون دایکندی ساغلیق‌نی سقلش اداره‌سی‌گه ییتکزیلگن دیگن. شونینگ‌دیک او، یره‌لنگن‌لر احوالی آغیر بولگن دیگن.
کوچیک اوریشدی مملکتده اوزاق تاریخ‌گه ابگه بیر کونگیل آچر اویین‌لردن حسابلنه‌دی. محلی قوماندانلر کوچلی همیده گوده‌لیی ایت‌لرنی سقلب مخصوص بیره‌ملر مناسبتی بیلن کوچیک اوربشی اوتکزه دیلر. بو ایش بیلن گویا وقت‌لرینی کونگیل خوشلیک بیلن اوتکزگن حسابلنه دیلر.
اورشچن، ییرتقیچ، گوده‌لی و مسابقه‌لرنی یوته دیگن ایت‌لر مخصوص بهاگه ایگه. بو قبیل ایت‌لر بعضی منطقه‌لرده حتی اوی و نقیله واسطه‌لری بیلن المیشتیریله دیلر.
بامیانلیک کونده‌لیک یازووچی و مدنی فعال اسحاق اکرمی‌نینگ ایتیشیچه، کوچیک اوریشی مملکت نینگ اوزاق حدودلریده بیر مدنیت گه ایلنگن. او، حکومتدن بوندی نا توغری فرهنگ و مدنیت آلدینی آلیش‌نی سوره‌گن.
شونینگ‌دیک جناب اکرمی ایکی ایت اوچون بیر عیال نی قربان بولیشی‌نی جوده اچینرلی بیر احوال دیگن.
ایت، خوراز، ککلیک و بو قبیل نرسه‌لرنی اوریشتیریش دنیا نینگ کوپینچه مملکت‌لری جمله‌دن بریتانیاده منع ایتیلگن. اما، افغانستانده بو نرسه‌لر عادی بیر کونگیل آچر اوینگه ایلنگن.
بونده‌ی حادثه بیرینچی مرته مملکتده یوز بیرگن ایمس البته. لیکن، اونلب مرته بونده‌ی کونگیل آچر اویین‌لر ایگه سیگه حیثیت بیریب، جامعه‌ده ایسه یامان عاقبتلرنی وجودگه کیلتیرگن.
