دایکندی ولایتی‌نینگ شهرستان تومنی فیض‌آباد قیشلاغیدن اوتگن هفته اوغیرلنگن 12 یاشر باله قتل ایتیلگن.
دایکندی خوفسیزلیک رسمی‌لری نینگ ایتیشیچه، مذکور باله‌نینگ جسدینی اوتگن کون تاپیب و عایله‌سیگه تاپشیرگن.
سلام‌وطندارگه صحبت بیرگن دایکندی پولیس قومندانی غلام‌سخی غفوری‌نینگ ایتیشیچه، اوغیرلاوچی‌لر بو باله‌نی اوغیرلگنیدن سونگ، عایله‌سیدن کوپ پول ایسته‌گن؛ بیراق عایله‌سی اوغیرلاوچی‌لر تامانیدن طلب قیلینگن پولنی بیره آلمه‌گنی باعث، الله‌نورنینگ اولدیره‌دیلر.
غفوری گه کوره، اوغیرلاوچی‌لر الله‌نورنینگ اولدیرگنیدن سونگ، جسدینی قودوققه تشله‌گن.
دایکندی پولیس قومندانی نینگ کوپه‌یتیریشیچه، بو واقعه توغریسیده ایکی کیشی قولگه آلینگن و شونینگدیک، قیلگن جنایت‌لرینی اعتراف قیلگن‌لر.
دایکندی خوفسیزلیک مسؤوللریگه کوره، اولر بو قضیه توغریسیده جدی شکلده تیرگاو باشله‌گن.
شو توغریده…
آرمان لونی قتل ایتیلگنی باعث، مملکت یشاوچیلریدن بیرقطاری اعتراض بیلدیرگن
