دایکندی ولایتی میرامور تومنی‌نینگ گیروی قیشلاقیده مخدره ماده گه چالینگن آته 11 یاشر قیزی نی 240 مینگ افغانی بدلی‌ده ساتگن.
سلام‌وطندارگه صحبت بیرگن دایکندی عیاللری ریاستی باشلیغی ذکیه رضایی نینگ ایتیشیچه، اوشبو حادثه توغریسیده ریزه‌گل نینگ آته‌سی، تورموش اورتاغی و قیین آته‌سی قولگه آلینگن و او، تیزلیکده نیلی شهریده انتقال بیریلیشی ممکن.
بامیان و دایکندی ولایتیده باله‌لرنی سقلش اداره مسئوللری بوندی حادثه‌لردن خواطر بیلدیریب ایتیشلریچه، مذکور ولایت‌لرنینگ قیشلاقلریده آته‌لرنینگ مخدره ماده گه چالینگنی باله‌لردن قربانلیک آله‌دی.
بامیان و دایکندی ولایتیده باله‌لرنی سقلش اداره باشلیغی عارف محبی نینگ ایتیشیچه، مخدره ماده بدلی‌ده ساتیله‌دیگن باله‌لر قیین ایشلر یا-ده ناقانونی ایشلرگه مجبورلنه‌دیلر.
شونینگدیک بوندن آلدین بامیان ولایتی نینگ ورس تومنیده 12 یاشر بیر قیز آته-آنه‌سی تامانیدن ساتیلگن ایدی.
شو توغریده:
- زوردن تورموش‌گه چیقاریش؛ فاریابی‌لیک 11 یاشر قیز قوتقریلدی
بامیان ولایتیده مخدره ماده‌گه چالینگن بیر عایله قیزی‌نی ساتگن
250 مینگ افغانی؛ تخارده 9 یاشر بیر قیزنینگ بهاسی
دایکندی ده یاش بیر قیز تیزاب ایچیب خودکش‌لیک قیلدی
