دایکندی ولایتی‌ده محلی بیر رادیو نینگ مسئوللری ادعا قیلیب ایتیش‌لریچه، مذکور ولایت ولایتی کینگش اعضاسی سبحان نایبی، رادیو‌لری نینگ باغله‌شی توغریسیده تهدید قیلگن.
آفتاب محلی رادیوسی دایکندی ولایت مرکزی نیلی شهریده فعالیت قیله‌دی.
مذکور رادیو امتیاز ایگه‌سی میرزا حسنی نینگ سلام‌وطندار گه ایتیشیچه، رادیو آفتاب اوشبو ولایت محلی مسئوللری نینگ کفایت‌سیزلیگیدن تنقید قیلگن بیر حالده، دایکندی ولایتی کینگش اعضاسی سبحان نایبی تامانیدن تهدید بولگن.
اونگه کوره، اوشبو ولایتی کینگش اعضاسی مذکور رادیو نینگ انتقادی و فاش قیله‌دیگن گزارش‌لری توخته‌تیلمه‌گن حالده، بو رادیو نی زوردن باغله‌شی توغریسیده آگاه‌لنتیرگن.
بیراق دایکندی ولایتی کینگش اعضاسی سبحان نایبی، اوزینی رادیو نینگ شریکی دیب کوپه‌یتیریشیچه، سونگی پیت‌لرده رادیو آفتاب رسانه‌لرنینگ قانون و دستورلریگه قرشی عمل قیلگن.
باشقه بیر تاماندن دایکندی ولایتی خبرچی‌لریدن قطاری نینگ ایتیشیچه، کرونا ویروسی کینگه‌یگن بیر حالده، بو ولایتده معلومات گه قول تاپیش قیین بولگن و اولر گزارش تیارلش گه قیین‌چیلیک‌که دوچ کیلیشه‌دیلر.
دایکندی ولایتی‌ده محلی خبرچی‌لردن بیری عزت‌الله توانا نینگ سلام‌وطندار گه ایتیشیچه، دایکندی ولایتی‌ده معلومات گه قول تاپیش قیین بولگن و دولتی اداره‌لر جواب بیریش گه حاضر بولمه‌یدیلر.
دایکندی ولایتی نینگ خبرچی‌لری رسانه‌لردن حمایت قیله‌دیگن نهادلردن، بو موضوع نی تیکشیریش‌لرینی سوره‌شگن.
