افغانستان جمهور رئیسی‌نینگ ایکینچی اورین باسری سرور دانش‌نینگ ایتیشیچه، نورم و استندرد ملی اداره‌سی نیچه ییل‌دن بویان مملکت‌ده فعالیت قیله‌دی؛ بیراق فعالیت‌لری ییترلی ایمس دیر.
دانش گه کوره، نورم و استندرد ملی اداره‌سی 11 بولیم‌ده چمه‌سی 585 ملی استندرد و 6 قوریلیش کود تصدیق‌لگن و بو ییترلی بولمه‌گن.
شونینگدیک، صنعت و سوداگرلیک اتاقی باشلیغی عتیق‌الله نصرت‌نینگ ایتیشیچه، نورم و استندرد اداره‌سی‌نینگ ایش‌لری قانیقرلی ایمس دیر.
عین حالده، نورم و استندرد اداره‌سینی سرپرستی عبدالخالق بابرنینگ ایتیشیچه، مذکور اداره 585 ملی استندرد و 6 قوریلیش کودنی تصدیق‌لشی‌گه قوشیمچه، خلق ارا اداره‌لریدن بیرقطاری‌نینگ عضویتی‌نی قولگه کیریتگن.
بیراق، مذکور اداره‌نی کیفیت مدیرلیگی سیستمی‌نینگ استندردلرینی تیارلش تخنیکی کمیته‌سی باشلیغی حبیب‌الله رحمت، استندرد بولیمی‌ده‌گی کم‌چیلیک‌لرنی باشقه اداره‌لرنینگ اوستیگه تشله‌ب ایتیشیچه، اداره‌لر نیازلرینی بیللی قیلگن صورتده، اولر اوچون استندرد توزه‌له‌دی.
نورم و استندرد ملی اداره‌سی 1383- ییل‌ده ایجاد ایتیلدی. مذکور اداره‌نینگ عالی کینگشی‌نی 19 اعضاسی بار و بو کینگش جمهور رئیس‌نینگ ایکینچی اورین باسری سرور دانش آرقه‌لی رهبرلیک قیلینه‌دی.
بوگون «سه‌شنبه» کابل‌ده نورم و استندرد خلق ارا کونی حکومت بلند مرتبه‌لی رسمی‌لریدن بیرقطاری‌نینگ اشتراکی‌ده نشانلندی.
