لویه څارنوالي وايي، د د حج او اوقافو وزارت پخوانی مرستیال داعيالحق عابد او د بلخ د ولایتي شورا غړی اصف مومند په ۱۸ میاشتو بند محکوم شوي دي.
لویې څارنوالي نن دوشنبه د یوې خبرپاڼې په خپرولو سره ویلي، یاد کسان له دندې د ناوړه ګټې اخیستو په تور له درنو جرمنو سره د مبارزې د عدلي او قضايي مرکز د استېناف محکمې لهخوا په یو کال او شپږ میاشتې بند محکوم شوي دي.
لویې څارنوالي زیاته کړې، داعيالحق عابد له شاهین ګروپ سره د ملکیت سندونو د درې مورده جعل او د تازه لارښوونې صادرېدو له کبله چې د تدارکاتي قانون خلاف دی او د بلخ د ولایتي شورا غړی او د شاهین ګروپ شرکت رییس د سندونو پنځه مورده جعل او د هغو کارولو له کبله د جرم شریکان او اصلي فاعلان پېژندل شوي دي.
په خبرپاڼه کې لیکل شوي چې د درنو جرمونو او فساد پر وړاندې د عدلي او قضايي مرکز ابتداییه محکمې په یوه علني غونډه کې چې د ۱۳۹۶ کال د جدې په شلمه جوړه شوې وه، دواړه پنځه کاله او دوه میاشتو تنفیذي حبس محکوم کړي دي.
