داسې سړی چې په وجود کې یې د ونې نېلي زرغونيږي

یو بنګلديشي ځوان د پوستکي په یوې داسې نا اشنا ناروغۍ مبتلا شوی چې په لاسونو او پښو کې یې د ونو د نیلو په څېر غوښې زرغونيږي.

اوس دهمدې ناروغۍ له امله دغه بنګلدیشی د «ونې سړی» په نوم مشهور دی.

۲۶ کلن ابول بجندار د بنګلدیشد کهولنای له کلیو څخه دی، په سایکل یې د مسافرو په وړلو دخپل ژوند ستونزې هوارولې خو له تېرو ۶ کلونو راهیسې چې په دې ناروغۍ اخته شوی له کار لوېدلی دی.

هغه ۵ کاله چې ښاغلی بجندار نه شول کولی مسافر یوسي، نو دخپل عجیب وجود له امله په یو سرکس کې په کار بوخت شوی دی .

په همدې حال کې د «ونې سړی» دخپلې درملنې له پاره هندوستان ته هم لاړه، خو هلته یې درملنه ونه شوه.

خو ددې سړي د ناروغۍ له مشهور کېدو وروسته خیریه ټولنو ورسره د مرستې ټټر وواهه او په معتبرو روغتونونو کې دهغې د درملنې ژمنه یې وکړله، چې اوس مهال ددې سړي جراحي عملیات د ډاکا په یو روغتون کې په ویړیاتوګه روان دي.

بجندار د خپلو عملیاتو په اړه وایي، چې خوشاله دی له وجود یې اضافه غوښه لرې کيږي.

هغه زیاته کړې، چې یو وخت یې د خپلې درملنې له پاره د دعاګانو او بوټو د درملو له پاره هڅې پېل کړې خو په هغې سره له بدو بدتر شو.

دغه نېلې چې د ابول بجندار په وجود کې را شنې کېږي د «EV» مخفف په نوم یو ډول ژنیټيکي ناروغي ده چې رامنځته کيږي.

تر اوسه په ټوله نړۍ کې یواځې ۳ انسانان په دغې ناروغۍ مبتلا شوي دي چې له هغې ډلې څخه یو هغه یې د انډونیزیا د دد په نوم یو ماهي نیونکی دی.