خیبر پشتون‌خواه کریکت تیرمه‌جماعه‌سی‌نینگ تانیقلی اویینچی‌لریدن بیری یونس اختر رهبرلیگی‌ده، تیزلیک‌ده افغانستان کیلیشی ممکن.
بوتیم افغانستان تیرمه‌جماعه‌سی بیلن یقین‌ده ایرلند اولکه‌سیده یولگه قوییله دیگن خلق ارا جام بیله‌شوویده تیارگرلیک آلیش اوچون، کابل کیلماقده.
کریکت تیرمه‌جماعه‌سی‌نینگ خبرنامه‌سیگه کیلیشیچه، خیبر پشتون‌خواه تیرمه‌جماعه‌سی مذکور ایالت اوچ زونی‌دن تشکیل ایتیلگن.
کریکت تیرمه‌جماعه‌سی‌نینگ خبرنامه‌سی‌ده کیلیشیچه، خیبر پشتون‌خواه تیمی بیلن افغانستان کریکت تیمی 3 آوره‌لیک مسابقه‌لریده اوینه یدیلر.
بیرینچی‌ده دنیابویلب تانیقلی اویینچی‌لری افغانستان‌گه کیلیب، بو تیم مقابلی‌ده اوینه‌یدی.
کریکت فدراسیونی‌نینگ ایتیشیچه، مذکور بیله‌شوو یولگه قوییلیشی‌دن مقصد، افغانستان کریکت تیمی‌نینگ دنیا بیله‌شوولری اوچون تیارگرلیک آلیش دییله‌دی.
فدراسیون اجراییه باشلیغی شفیق الله ستانکزی‌گه کوره، بیرینچی مرته افغانستان کریکت میدانی‌ده، دنیا بویلب شهرت قازانگن تیم‌لردن بیری اوینه‌شی افغان اهالی‌سی‌گه افتخار.
ایتیش کیره‌ک اوتمیش‌ده هم افغانستان کریکت تیمی یونیسف ایلچیلری سچن نتدولکر و وریندی سیهواک حضورلریده هندوستان کریکت تیمی یولدوزلریدن افغانستان‌گه سفر قیلیش‌لری‌نی سوره‌گن ایدی.
بوندن آلدین، افغانستان جمهور رییسی پاکستان‌گه قیلگن سفری جریانیده، افغانستان و پاکستان کریکت تیمی اویین‌لری‌نی کوریش اوچون بارگن، مذکور اویین‌ده، افغانستان کریکت تیمی پاکستان کریکت تیمی‌نی یوتیش‌گه قازانگن.
