خوست ولایتی‌نینگ شهر قوریش ریاستی مسؤوللری‌نینگ ایتیشیچه، اوشبو ولایت‌نینگ کمیده 20 ریاست و محلی کته مدیریتی بِناسیز دیر؛ بیراق اورغولشیچه، کیله‌جک 4 ییل‌گچه اوشبو ولایت‌نینگ برچه اداره‌لریگه بِنا قوریله‌دی.
عین حالده، ایسلنگن قیین‌چیلیک‌نی قبول قیلگن خوست حاکمی اورین باسری شیر پادشاه ارگونی‌نینگ ایتیشیچه، بِنالردن بیرقطاری قوریلماقده دیر.
بِنا یوقلیگی باعث، اداره‌لرنینگ ایشلاوچیلری و مراجعتچی‌لری کوپینچه قیین‌چیلیک‌که روپه‌ره بولگن‌لر.
مراجعتچی‌لردن بیرقطاری‌نینگ ایتیشیچه، دولتی اداره‌لر بیر ییردن باشقه ییرگه انتقال بیریلیشی سبب، اولر اداره‌نی تاپیش‌گه کوپ وقت صرفله‌یدیلر.
خوست ولایتی‌نینگ ترافیک مدیریتی سرپرستی غنی‌شاه نینگ ایتیشیچه، نیچه مرته حکومت‌دن اوشبو مدیریت ایشلاوچیلری اوچون بِنا قوریلیشی‌نی طلب قیلگن؛ بیراق حاضرگچه اولرگه ایجابی جواب بیریلمه‌گن.
سونگی کونلرده خوست ولایتی‌نینگ کوپینچه پروژه‌لری یکونلنیب و ایش آلیش‌گه تاپشیریلگن؛ بیراق ولایت‌نینگ دولتی اداره‌لریدن کوپینچه‌سی‌نی حاضرگچه بِناسی یوق و کوپلب بیر ییردن باشقه ییرگه انتقال بیریله‌دی.