.jpg)
بغلان ولایتی نینگ خوست وفرینگ و گذرگاه نور تومنلری یشاوچیلریدن تشکیل ایتیلگن خوست‌ها یشاوچیلری، ملی بیرلیک حکومت اجراییه ریاستی بیلن سیاسی حمایتلرینی آلدیلر.
سیلاو زمانیده عبدالله دن حمایت کورستگن ستاد اعضالری نینگ بوگون کابلده عبدالله عبدالله بیلن سیاسی حمایتلرینی توخته‌تیش ییغینده ایتیشلریچه، اصلأ جناب عبدالله‌نی حکومت اجراییه ریاستی دیب تانیمیدیلر. اولر عبدالله رهبرلیگی‌ده اجراییه ریاستینی ناکام دیگنلر.
ستاد اعضالریدن نورالله حکیمی نینگ ایتیشیچه، مذکور تومنلر یشاوچیلری 1393-ییلده اوتکزیلگن جمهورلیک سیلاویده اشتراک قیلیب دموکراسی تمثیل قیلیش نیتیده عبدالله عبدالله گه رأی بیرگن ایکنلر.
اونگه کوره، حاضرگی اجراییه رییسی بیلن سیاسی حمایت توخته‌تیشلری احساسات یوزه‌سیدن ایمس، بلکیم خلق اوز رأی لرینی اوندن پس آله‌دی.
جناب حکیمی نینگ کوپه‌یتیریشیچه، سیلاو زمانیده‌گی عبدالله نینگ بیرگن وعده‌لریدن هیچ بیری عملگه آشیریلمه‌گن و ایکی ییل اوتیشی بیلن ایشیگی مذکور خلق یوزیگه یاپیق قالگن.
خوست‌ها ستادی اعضالریدن باشقه بیری نصرالله فلک نینگ ایتیشیچه، ملی بیرلیک حکومت ایجاد ایتیشلیشی‌ده یوزه‌گه کیلگن بیتیم، برقی کیم‌لیکلر ترقه‌تیلمه گنلیگی، اساسی قانون تعدیل قیلینمه‌گنی و اونلرچه باشقه وعده‌لر عملگه آشیریلمه‌گنلیگی سبب بولر عبدالله دن اوز حمایتلرینی آله‌دیلر.
بوباره‌ده اجراییه ریاستی نینگ فکرینی آلماقچی بولدیک، بیراق کوپلب تماس‌لر بیلن موفق بولمه‌دیک. بوندن آلدین عبدالله دن حمایت قیلگن افغانستان تورکلری هم اوز سیاسی حمایتلرینی اوندن آلگن ایدیلر.
