بوگون «دوشنبه» کابل‌ده تینچلیک عالی کینگشی‌نینگ بیرینچی عمومی ییغینی یولگه قوییلدی.
اوشبو ییغین‌ده نطق سوزله‌گن تینچلیک عالی کینگشی‌نی ینگی باشلیغی محمدکریم خلیلی‌نینگ ایتیشیچه، مملکت یشاوچیلری، بو کینگش‌نینگ فعالیت‌لریگه ایشانمه‌یدی. اونینگ ایتیشیچه، اوتگن 7 ییل‌ده بو کینگش کوپینچه کم‌چیلیک‌لر بیلن کیلگن و کم‌چیلیک‌لر اورته‌دن کوتریلیشی لازم.
جناب خلیلی، کم‌چیلیک‌لرنی اورته‌دن کوتریشی اوستیگه تأکیدلب ایتیشیچه، تینچلیک عالی کینگشی مملکت‌ده تینچلیک‌نی تأمین‌لش اوچون برچه قبول قیله‌دیگن لایحه‌لرنی قولگه آله‌دی.
خلیلی‌گه کوره، تینچلیک عالی کینگشی‌نینگ ایشی قوراللی عصیانچیلر دولت‌گه تسلیم بولیش اساسیده ایمس، بلکیم بیر-بیراوگه حرمت قایل بولیش اساسیده نظرگه آلینیشی کیره‌ک.
تینچلیک عالی کینگشی باشلیغی‌نینگ کوپه‌یتیریشیچه، تینچلیک لایحه‌سیگه قوشیلیش خصوصیده، قوراللی طالب‌لرنینگ ایستک‌لری و توشونچه‌لری تیکشیریلیشی درکار.
جناب خلیلی، تینچلیک عالی کینگشی‌نینگ ولایتی دفترلریدن حاضرگی وضعیت‌دن چیقیش اوچون ریجه‌لرینی یازیب مرکز بیلن شریک قیلیش‌لرینی سوره‌دی.
تینچلیک عالی کینگشی، مملکت‌ده تینچلیک تأمین‌لنیشی خصوصیده ینگی لایحه‌لردن خبر بیره‌دی و بو لایحه‌لر حکومت و دنیا جماعه‌چیلیگی تامانیدن قبول ایتیلگنینی بیلدیرگن.
