آمریکا تشقی ایشلر وزیرلیگی نینگ اعلام قیلیشیچه، افغانستان تینچلیگی بوییچه بو مملکت نینگ خاص نماینده‌سی جمعه کونی قطر پایتختی دوحه گه کیتگن.
آمریکا تشقی ایشلر وزیرلیگی خلیلزاد نینگ دوحه تامان قیلگن سفریدن مقصد، افغانستان‌لیکلرارا سوزلشوولر باشله‌نیشی دیگن. آمریکا تشقی ایشلر وزیرلیگی نینگ کوپه‌یتیریشیچه، برچه اوروش تامان‌لری اورته گه کیلگن فرصتدن اوروش یکونله‌نیشی اوچون فایده‌لنیش‌لری کیره‌ک.
طالبان سوزلشولر آرتده قالگنی سببی نی فنی قیینچیلیکلر دیب ایتیش‌لریچه، بو قیینچیلیکلر حل ایتیلگنیدن کیین تینچلیک سوزلشوولری نینگ تاریخی بیللی بولیشی ممکن.
بیراق تینچلیک بوییچه دولت وزیرلیگی، سوزلشوولر آرتده قالگنی سببی طالبان نماینده‌لری قطر ده حضور کیلتیرمه‌سلیک‌لری دیگن.
شونینگدیک جناب خلیلزاد دوحه تامان سفر قیلگن بیرحالده، طالبان گروهی نینگ مذاکره قیلووچی تیمی گه اوزگریش کیلگن.
ایکی کون آلدین طالبان سوزلاوچی‌لریدن بیری ذبیح‌الله مجاهد بیر توییت آرقه‌لی یازیشیچه، بو گروه رهبری ملا هیبت‌الله آخوندزاده مذاکره قیلووچی تیم نینگ ینگی ترکیب نی تصدیقله‌گن.
طالبان گروهی نینگ اعلام قیلیشیچه، طالبان قاضی‌القضاتی مولوی عبدالحکیم بو گروه نینگ مذاکره قیلووچی هیاتی نی رهبرلیک قیلیشی ممکن و شیرمحمد عباس استانکزی اونینگ اورین‌باسری صفتیده سوزلشوولرگه حضور تاپه‌دی.
مجاهد گه کوره، بو گروه هیاتی ۲۱ اعضادن تشکیل بولگن و محمد نعیم وردک قطرده طالبان گروهی نینگ سیاسی دفتری سوزلاوچیسی صفتیده تعیین ایتیلگن. وردک دن آلدین سهیل شاهین قطرده طالبان گروهی نینگ سیاسی دفتری سوزلاوچیسی ایدی.
