بوگون "پنجشنبه" آمریکا تشقی ایشلر وزیرلیگی نینگ بیرخبرنامه آرقه‌لی اعلان قیلیشیچه، افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد نینگ قطر، هند و پاکستان‌ده بولگن ینگی سفری باشلهگن.
خبرنامه‌ده ایتیلیشیچه، جناب خلیلزاد قطر ده طالبان نماینده‌سی، اسلام‌آباد ده پاکستان رسمی‌لری و هندوستان ده اوشبو مملکت مسوول‌لری بیلن افغانستان تینچلیک لایحه‌سی خصوصیده صحبت قیله‌دی.
قطرده طالبان گروهی نینگ سیاسی دفتری سوزلاوچیسی سهیل شاهین نینگ ایتیشیچه، افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد قطر باشکنتی دوحه شهریده طالبان گروهی نینگ سیاسی اورین باسری ملاعبدالغنی برادر بیلن اوچره‌شگن.
بوگون "پنجشنبه" جناب شاهین نینگ توییترصحیفه‌سیده یازیشیچه، اوشبو اوچره‌شووده ایکی تامان محبوس‌لرنینگ قوییب یوباریلیشی، افغانستان‌لیکلر ارا سوزلشوولر و آمریکا بیلن امضا ایتیلگن شرطنامه کامل صورتده عملگه آشیریلیشی خصوصیده صحبت قیلگن‌لر.
جناب شاهین نینگ کوپه‌یتیریشیچه، قطر تشقی ایشلر وزیرلیگی نینگ خاص نماینده‌سی مطلق القحطانی مذکور اوچره‌شووده حضور تاپگن.
جمهور رئیس غنی نینگ فرمانی اساسیگه، دولت قماقخانه‌سیده بولگن طالبان محبوس‌لریدن 1500 ته‌سی قوییب یوباریلیشی ممکن. طالبان محبوس‌لری نینگ قوییب یوباریلیش جریانی 20 حملده باشلندی و حاضرگه‌قدر اوشبو گروه محبوس‌لریدن 850 ته‌سی حکومت قماقخانه‌لریدن قوییب یوباریلگن.
طالبان گروهی حاضرگه‌قدر قماقخانه‌لریده بولگن حکومت محبوس‌لریدن 100 ته‌سینی قوییب یوبارگن و اولردن بیرقطار تینچ اهالی دیر.
ایکی کون آلدین ملی خوفسیزلیک کینگشی، طالبان گروهی دن زوروانلیک‌نی کمه‌یتیریب و اعضالریدن 1500 ته‌سی قوییب یوباریلگنی‌دن سونگ، یوزمه‌یوز سوزلشوولرده تیارگرلیک آلیش‌لرینی سوره‌گن ایدی.
