امیریکه جمهور رییسی‌نینگ ایتیشیچه، بو اولکه خلیجی شریک‌لریدن دفاع قیلیش اوچون حربی کوچلردن ایش آلیشی ممکن. او، شونینگ‌دیک منطقه ثبات‌لیگی و تینچ‌لیگی مستحکم‌لنیشی اوچون ایران و خلیج فارس باشقه اولکه‌لری‌نینگ نقشی‌نی خوش قرشی‌له‌دی.
امیریکه جمهور رییسی خلیج فارس حوزه‌سی‌ده‌گی اولکهلر رهبرلری و باشلیغ‌لری حضوری‌ده یولگه قوییلگن «کمپ دیوید» اولتیریشی اداغی‌ده اولکه سی، حربی امکانات و نظامی جهازلر مذکور اولکهلر اختیاریده قویش سوزینی بیردی.
اوبامانینگ کوپه‌یتیریشیچه، خلیج فارس حوزه‌سی‌ده‌گی اولکهلر و امیریکه آرسی‌ده‌گی یاردم‌لیک‌لر کوپه‌ییشی و علاقه‌لر مستحکم‌لنیشی، ایران‌نی ثبات‌سیز قیلیش معنی سی‌ده ایمس.
بارک اوباما خلیجی اولکهلر کوره‌شوولریدن منت‌دارلیک بیلدیریب ایتیشیچه، مذکور اولکهلر منطقه ثبات‌لیگی اوچون یخشی رول اوینه‌گنلر.
امیریکه جمهور رییسی، سوریه اوروشی‌ده شیمیایی قورال‌لردن ایش آلینگن‌لیگی توغری سی‌ده‌گی گزارشلرنی رد ایتیب ایتیشیچه، حاضرگه قدر بو توغریده معلومات قولگه کیریتمه‌گن.
ایتیلیشیچه، مذکور اولتیریش، ایران و بیش قوشیمچه بیرگروهی هسته‌یی کیلیشووی توغری‌سی‌ده خلیجی اولکهلر خواطرلری‌نی برطرف ایتیش اوچون یولگه قوییلگن.
بیر آی آلدین ایران و بیش قوشیمچه بیر اولکهلر هسته‌یی برنامه‌لر اوستیگه کیلیشگن‌لر، کورینیشیچه، ایران‌نی اقتصادی چیتلش‌لری برطرف بوله‌دی.
عرب اولکه‌لری نیچه مرته ایران‌نی هسته‌یی برنامه‌لری توغری‌سی‌ده خواطر بیلدیرگن و ایران‌نی شیمیایی قورال‌گه قول تاپیشی منطقه ثباتی‌گه جدی خطردیب بیله‌دیلر.
کمپ دیوید اولتیریشی‌ده عربستان پادشاه‌سی سلمان بن عبدالعزیز حضور تاپیشی کوتیلردی؛ بیراق بعضی دلیل‌لر سبب نماینده‌سی‌نی یوباردی.
امیریکه جمهور رییسی بو اولتیریشی‌ده، خلیج فارس حوزه‌سی‌ده‌گی اولکهلر خواطری‌نی اساس‌سیز بیلیب، اولرگه، ایران‌نی چیتلش‌لرینی برطرف ایتیش و مذکور اولکه بیلن هسته‌یی کیلیشیش عرب اولکه‌لری اوچون خطرلی بولمه‌یدی دیگن ایشانچی‌نی بیردی.
اونینگ کوپه‌یتیریشیچه، ایران مذکور اولکهلر اوچون خطر ایجاد قیلگن صورت‌ده، امیریکه اونگه قرشی توره‌دی.
ایتیلیشیچه، جناب اوباما عربستان شاهی بیلن تیلیفونی سوزلشگن، بو سوزلشووده ایکی تمان ایران‌نینگ هسته‌یی فعالیت‌لری تینچ صورت‌ده بولیشی اوستیگه تاکید قیلگن‌لر.
