کون سایین اعتراضچیلرنینگ چادری مملکت اینیقسه کابل‌ده سانی آشیب بارماقده. اما، اوتگن کون جمهور رییسلیک سرایی نینگ اعتراضچیلرگه خطاب قیلیب نشر قیلگن تورت ماده‌لیک اعلامیه‌سیده کیلیشیچه: «بو وضعیت دوام ایتگن حالده و دولت یشاوچیلرنینگ حق وحقوقینی حمایت قیلیب امنیت و برقرارلیک تامین بولیشی اوچون… قانون یوزه‌سیدن یانده‌شه‌دی» بو خبرنامه نینگ تیلی قطارسیاسی تحلیلچیلر تامانیدن « استبداد قته‌غن قیلیش» معنیسی‌ده دیدیلر.
تحلیلچیلرگه کوره، اعتراضیلرنینگ مدنی حرکتی‌گه حکومت بونده‌ی یانده‌شگن تقدیرده، افغانستان بحرانی آلدیندن کوره کوپراق بوله‌دی. سلام‌وطندارگه صحبت بیرگن مجلس نینگ اعضاسی جعفر مهدوی، اعتراضچیلر چادرینی ییغیش اوچون حکومت نینگ آلیب باره‌دیگن سعی وحکتلری دموکراسینی قته‌غن قیلیش معنیسی‌ده دیگن.
بونده‌ی بیر عمل حکومتنی کوپراق بدبختلیک اوپقانیگه آلیب کیره‌دی دیگن مهدوی. جناب مهدوی، مدنی حرکتلر شرایطی یشاووچلردن آلینگن حالده، بولر مدنی بولمه‌گن و زوران بیر حرکتلرگه قول اوره‌دیلر دیدی.
مدنی حرکتلر خلق نینگ حقی ایکن‌لیگی خصوصیده تاکید قیلگن مجلس نینگ بو اعضاسی، حکومت اعتراضچیلرنینگ ایسته‌گی‌گه ایجابی جواب بیریب اصلاحات اوچون سعی وحرکت قیلیشی لازم دیگن.
کونده‌لیک یازووچی نظری پریانی‌گه کوره، بونده‌ی خبرنامه‌لر« استبداد و قته‌غن» قیلیشنی کورسته‌دی. جناب پریانی، حکومت مدنی حرکتلر توغریسی‌ده سیاست و تهدیددن ایشگه آلیشگه اولگورگن دیدی. «بونده‌ی مساله‌لر افغانستانی ینگی معما و بحرانگه دوچار قیله‌دی دیدی» پریانی.
شونینگدیک بو یازووچی حکومت‌دن هر قنده‌ی بیر شرایطده تعقل و تدبیردن ایش آلیشی باره‌سیده تاکید ایتگن.
عین حالده، اعتراضچیلر بوگون ییتی کوندن بیری کابل خیابانلریده چادر تیلکه‌گن. تخار، سمنگان و باشقه قطار ولایتلرده هم کابل مدنی حرکتلرینی حمایت قیلیب اهالی تحصن چادری تیکله‌گن.
