افغانستان ژورنالیست‌لر فدراسیونی و چیگره‌سیز گزارشگرلرنینگ «میدیالر ایرکین‌لیگی تضمین ایتیلمه‌گن صورتده، عدالت‌لی و دایمی تینچلیک ممکن ایمس» نامیده بیر کمپاین یولگه قویب ایتیشیچه، اوتگن 18 ییلده قرهگنده جاری ییلده ایرکین‌سوز وضعیتی خاوطرلنتروچی دیر.
ژورنالیست‌لر فدراسیونی و چیگره‌سیز گزارشگرلر سازمانی اعضالریگه کوره، تینچلیک سوزلشوولرده تینیق‌لیک بولمه‌گنی اهالینی خواطرگه سالگن.
افغانستان بوییچه چیگره‌سیز گزارشگرلر نماینده‌سی رضا معینی نینگ ایتیشیچه، ایرکین‌سوز و میدیالر ایرکین‌لیگی تضمین ایتلمه‌گن صورتده، تینچلیک تامین ایتیلمه‌یدی.
جناب معینی گه کوره، میدیالر و ژورنالیست‌لرگه قرشی هجوم اوروش جنایتی دیر و بو هجوم‌لر خلق ارا محکمه‌سیده تیکشیریله‌دی.
ژورنالیست‌لر فدراسیونی اعضاسی عزیز احمد تسل نینگ ایتیشیچه، ژورنالیست‌لرگه قرشی زوره‌وانلیک‌لر کوپه‌یگن و میلادی 2019- ییل بیرینچی 8 آیده ژورنالیست‌لرگه قرشی 100 زوره‌وانلیک واقعه رویخط گه آلینگن.
بوندن آلدین خبرچی‌لر خوفسیزلیگی‌نی سقلش کمیته، جاری میلادی ییلده خبرچی‌لرگه قرشی زوره‌وانلیک‌لرنینگ 50% کمه‌یگنی خبر بیرگن ایدی، بیراق ژورنالیست‌لر فدراسیونی اعضالری خبرچی‌لرگه قرشی زوره‌وانلیک‌لر کوپه‌یگنی‌نی بیلدیرگنلر.
