مملکت شمالیده حیرتان سوداگرلیک بندری مسووللری نینگ ایتیشیچه، قزاقستان تامانیدن یاردم بیریلگن ییگولیک ماده‌لر بوزیلماقده و اوشبو یاردم‌لرنینگ کیلگنی‌دن 20 کون اوتماقده، بیراق دولت مذکور یاردم‌لرنی تسلیم آلیش‌گه موفق بولمه‌گن.
کرونا ویروسی چیقگنی‌دن سونگ، قزاقستان مملکتی کم‌بغل‌لیک‌که قرشی کوره‌شیش اوچون افغانستان‌گه ییگولیک ماده جمله‌دن اون، یاغ، ماکرونی و سوت یاردم بیرگن، بیراق مذکور یاردم‌لر حاضرگه‌قدر تیمور یولی اوستیگه قالگن.
حیرتان سوداگرلیک بندری نینگ خدماتی اداره اورین باسری محمد کاظم مهرزاد نینگ سلام‌وطندارگه ایتیشیچه، اولر نیچه مرته بلخ محلی حکومتی‌دن مذکور یاردم‌لرنی تسلیم آلیش‌لرینی ایسته‌گن، بیراق بلخ محلی اداره‌سی اوشبو یاردم‌لرنی آلیب نیازمندلرگه توزیع قیلیش‌گه موفق بولمه‌گن.
اونینگ کوپه‌یتیریشیچه، واگن‌لرنینگ بیکار قیلینمه‌گنی سبب، اوشبو اداره 80% ایشی قیین‌چیلیک بیلن روپه‌ره بولگن.
عین‌حالده، بلخ حاکمی سوزلاوچیسی منیراحمد فرهاد نینگ ایتیشیچه، بلخ محلی حکومتی مذکور یاردم‌لرنی تسلیم آلیش مقصد ده مرکزی حکومت‌گه مکتوب یوبارگن، بیراق نیچه کون اوتیش بیلن مذکور مکتوب نینگ جوابی کیلمه‌گن.
