بوگون «شنبه» کابلده خبری بیر ییغینده قویاش 1398- ییل جمهورلیک ریاستی سیلاوی نامزدلرینینگ یاردم بیریش کینگشینینگ ایتیشیچه، حکومت سیلاوی کمپاینلر اوچون دولتی امکانیتلردن فایدهلنهدی.
اوشبو کینگشنینگ اعلامیهسیگه کیلیشیچه، سونگی چیکلنتریشلر و تعیین ایتیشلر کمپاین اوچون صورت تاپگن و شونینگدیک جمهور رئیس غنی جمهورلیک ریاستی سیلاویده ساختهکارلیک اِیتیش اوچون بیرار اِیشلر قیلهدی.
اعلامیهنینگ باشقه بیر بولیمیده کیلیشیچه، حکومت وقتدن آلدین کمپاین نی باشلهگن و اوشبو موضوع جمهورلیک ریاستی سیلاوی نامزدلریگه قبول قیلینهدیگن بیر اِیش ایمس و سیلاوی رقابت نی سوراق آستیده قرار بیرهدی.
جمهورلیک ریاستی نامزدی احمدولی مسعودنینگ بیرینچی اورینباسری و جمهورلیک ریاستی سیلاوی نامزدلرینینگ یاردم بیریش کینگشینینگ ایتیشیچه، سیاسی و سلیقوی تعیین ایتیشلر توختهلیشی کیرهک و سیلاولر کمپاینی گه دولتی امکانیتلردن فایدهلنمهسی کیرهک.
جمهورلیک ریاستی سیلاوی نامزدی حنیف اتمرنینگ ایکینچی اورینباسری و اوشبو کینگش اعضاسی حاجی محمد محقق، حج و اوقاف و صنعت و سوداگرلیک وزیرلیکلریدهگی چیکلنتریشلر و تعیین ایتیشلرگه اشاره قیلیب ایتیشیچه، ارگ تیمی وزیرلیکلر رسمیلری، والیلر و خوفسیزلیک قومندانلرینی سیلاوی کمپاینلر اوچون عزل و نصب قیلهدی.
محقق، جمهور رئیسنینگ زوروانلیک و قانون سیندیریش گه عیبلب ایتیشیچه، جمهور رئیس غنی جمهورلیک ریاستی سیلاوی نامزدلری قرشیسیده روانی اوروش یولگه قوییب اولرگه خوفسیزلیک تهدیدلر یرهتهدی.
شو توغریده:
- حکومت رسمیلری و ایشلاوچیلری سیلاولر جریانی گه اَرهلشمهسی کیرهک
سیلاولر قانونیگه اصلاحات کیریتیلگنده، سیلاولر جریانی اوزگرهدی
اونگه کوره، جمهورلیک ریاستی جمهور رئیسنینگ سیلاوی مقصدلری اوچون دولتی امکانیتلردن فایدهلنهدی و قطار خیالی پروژهلرنی آچیب و آچیلگن پروژهلرنی سیلاوی کمپاینلر اوچون قیتهدن آچهدی.
جمهورلیک ریاستی نامزدلرینینگ یاردم بیریش کینگشینینگ اورغولشیچه، حکومت بو اِیشدن قول تارتمهگن صورتده، اونینگ برابریده هر قندی اِیشدن قوللنهدیلر.
بو توغریده جمهورلیک ریاستینینگ فکرینی اورگهنیش ایستهدیک بیراق کوپینچه سعی و حرکتلر بیلن موفق بولمهدیک.